倫敦 9 項免費休閒活動

西敏寺 (Westminster Abbey) 外型宏偉，充滿歷史，係大多數遊客嘅必遊景點，所以朝早多數都好擠逼，而且入場費高昂。既然係咁，不如淨係嚟參加晚禱啦，咁就可以盡情感受教堂嘅魅力，仲一蚊都唔使俾添！

倫敦東南部嘅格林威治天文台 (Greenwich Observatory)「雙腳」各踏子午線嘅兩邊，同時身處東西半球，夠哂架勢！優雅嘅紅磚建築設有互動展覽同巨型圓頂望遠鏡，仲可以眺望倫敦至「煞食」嘅靚景添。

喺每個月嘅第一個星期四，東區大部分畫廊都會免費開放展覽。其中，哈克尼 (Hackney) 嘅維納街 (Vyner Street) 呢類藝術熱點會上演即興街頭 Party，吸引學生同「藝文青」們喺畫廊之間流連忘返。

嚟到肯辛頓自然歷史博物館 (Natural History Museum in Kensington)，行入拱門就有條 25 米長嘅藍鯨巨石骨架凝視住你！呢座展館珍藏住高科技互動展品、龐大懾人嘅電子恐龍，仲有維多利亞時代嘅特色藝術品，各適其適。

南岸 (South Bank) 旅程漫長，有大把自由活動時間，你可以睇滑板好手狂野表演，又或者去英國電影學院 (British Film Institute) 參觀免費展覽，院內嘅媒體中心 (Mediatheque) 千祈咪錯過！BFI 觀影室裡面有幾千個鐘頭嘅稀有電影同電視節目，可以俾你喺私人 Video Station 度慢慢睇。

哈利波特嘅影迷想喺倫敦落腳，通常都會揀霍爾本 (Holborn) 嘅法院旅館 (Inns of Court)，既可以漫步英國法律體系總部嘅狄更斯式密室之間，又可以行吓寧靜嘅噴泉廣場，順道欣賞埋聖殿騎士倫敦神殿 (Knights Templar’s London Temple) 嘅華麗建築。

就算你唔買嘢，都可以盡情欣賞世界著名拍賣行嘅拍賣品！由古典油畫以至達米安赫斯特 (Damien Hirst) 頭骨等等嘅非凡藝術品，統統喺呢啲中空廳堂免費展出，琳瑯滿目。

繁忙嘅哈克尼 (Hackney) 入面有條名不經傳嘅巷仔，每逢星期日都會變得非常熱鬧，由數之不盡嘅賣花人為佢添注無盡色彩、花香同笑聲。一於同倫敦人一齊講價買花，又或者喺街邊嘅綠化區散吓步啦！

倫敦嘅美術館免費展出咗唔少舉世知名嘅藝術品。其中，泰特美術館 (Tate Britain) 嘅英國後現代 Clore 畫廊 (Clore Gallery) 專為本土畫家而設，會為你展出 JMW Turner 嘅狂野印象派油畫，同埋令人回味嘅素描。