名古屋酒店

名古屋五日遊-酒店推介

 

名古屋喺東京、京都之間，佢深厚嘅文化底蘊都唔輸蝕東、京兩地。繁華嘅商業區、宏偉嘅歷史遺產，令名古屋景點變成人氣之選。名古屋自由行游攻略，吃喝玩樂一網打盡！

 

名古屋住邊好

 

名古屋住邊好？當然要入住名古屋站一帶同榮區比較適合。兩地都集中實惠平酒店同豪華酒店，仲有唔少新酒店。喺酒店附近就有商店、食肆同交通站點等，非常方便。

 

名古屋酒店優惠代碼下載

 

Hotels.com 酒店網爲你推介229間名古屋住宿。下載2018最新 Hotels.com 優惠代碼， plan 好名古屋自由行攻略，就可以立即出發啦。

 

第一天

 

必去：榮町大街→白川公園→名古屋電視塔

 

喺榮區嘅榮町大街係名古屋必去嘅景點，呢度有松島屋、三越等百貨公司同其他時裝店，購物狂唔好錯過呢個最具人流嘅名古屋景點。繁華嘅榮區亦有旺中帶靜嘅白川公園，呢個市中心嘅綠洲，係名古屋旅遊好去處。公園有唔少藝術雕塑，喺綠樹環繞嘅美景下，係時候施展你嘅影相秘技啦喂！

 

名古屋嘅夜色燈光燦爛，名古屋電視塔就係欣賞夜景最佳之選，電視塔仲被評為名古屋必去「情侶聖地」，一定要帶上你嘅女神一齊 sweet 一下啦。交通：榮站。

 

第二天

 

必去：名古屋科技館→愛知縣美術館→大須商店街

 

名古屋科學館最有睇頭就係號稱世上最大嘅星象儀，可睇到唔同主題嘅天文測象，滿天星斗嘅影像帶嚟逼真嘅視覺效果。另外仲有龍捲風實驗室，你可以體驗盞鬼嘅科技玩意。喺附近嘅愛知縣美術館係名古屋文化集中地，當中包括藝術博物館、畫廊、劇場等設施，你都不妨睇場藝術戲劇，提升下自己嘅藝術「仙氣」。交通：伏見站。

 

如果時間鬆動，仲可以到超過400年歷史嘅大須商店街，各式各樣個精品價錢親民，無論點樣血拼都要喺度「大擦一餐」，尤其大須蛋仙貝係呢度獨有嘅必吃美食！交通：大須觀音站。

 

第三天

 

必去：名城公園→名古屋城

 

名城公園由二之丸、三之丸、北園組成，有小河流水、沼澤河塘，仲有公園最出名嘅花卉展廳，四季都有唔同嘅花卉展示，你就好似走入咗個花海裡面。交通：鶴舞站

 

喺公園隔離嘅名古屋城係名古屋必去地標。而最引人注意嘅係天守閣上嘅金鯱猶，係古城嘅特色「招牌」。喺天守閣露台上，可欣賞四季唔同嘅庭院景色，必定係打卡留影嘅好去處！交通：市役所站

 

第四天

 

必玩：樂高樂園

 

今日就嚟到樂高樂園瘋狂Hi 翻次，呢個遊樂場係2018年名古屋新景點，以樂高積木世界為主題，特別迎合一家大細嘅口味。呢度推介你「Submarine Adventure」半潛艇探秘水中世界，樂高積木造型嘅兒童過山車，視覺逼真嘅4D 影院等。另外，仲有必食嘅樂高造型薯條，香脆美味！交通：金城埠頭站

 

第五天

 

必逛：名古屋站→名古屋雙塔

 

最後一日當然要去買手信帶返香港啦，名古屋車站就可以滿足你嘅購物慾。呢度何止係一個車站咁簡單，仲係個必買手信嘅購物商城。尤其車站地下街，各種時裝、首飾、手信包羅萬有，而且名古屋必食嘅小雞布丁都可以喺度揾到。

 

同車站連通嘅名古屋雙塔亦係一個必買手信嘅購物勝地，如高島屋百貨集中唔少世界名牌同日本一流品牌，購物狂係時候喺名古屋旅遊作最後衝刺啦！

 

名古屋必食推介

 

• 大須蛋仙貝：係大須商店街獨有嘅美食
• 樂高薯條：樂高積木造型嘅薯條，香脆可口，最啱小朋友心意
• HARBS 蛋糕：超高人氣嘅HARBS 蛋糕發源地就係名古屋
 

名古屋必買推介

 

• 小雞布丁蛋糕：名古屋車站嘅人氣手信
• 手作動物園蛋糕：造型可愛嘅日式糕點
• 各種藥妝產品：面膜、潤膚霜喺各大商店都有售，而已又平又好用。
 

交通貼士

 

名古屋交通網絡非常完善，你想巴士、地鐵都暢通無阻，小編推介你購買1日或週末無限次數搭乘通票。而且購買1日通票嘅朋友仔，仲可以享受三十多個名古屋景點門票優惠！