倫敦
出發前須知
講到經典地標，都冇乜邊個城市可以同倫敦匹敵！白金漢宮富麗堂皇嘅皇室風格，以至大笨鐘嘅哥德式輝煌設計，都係呢座英國首都令人印象深刻之處。倫敦市內對比處處—騎士橋 (Knightsbridge) 開滿頹廢風格嘅百貨商店，氣氛奢華而「作狀」；另一邊廂，潮區肖迪奇 (Shoreditch) 滿佈生氣勃勃嘅街頭藝術，潮爆嘅夜蒲熱點林立，同前者仿如隔世。
冇體驗過倫敦西區 (West End) 劇院區嘅浮華同魅力，仲有蘇豪區 (Soho) 嘅國際咖啡文化，又點算嚟過倫敦？仲有喎，敬請放低「英國係美食沙漠」呢個陳腐嘅成見—其實，呢度有香噴噴嘅市集美食，亦都有講求簡約主義嘅米芝蓮餐廳；而無論你有幾錢 Budget，都可以食返餐皇室級數嘅盛宴！
倫敦飲食 推介
倫敦 12 大食品市場
一座城市嘅精神面貌，同佢活力鮮明嘅街頭生活息息相關；而倫敦美食界亦唔例外！倫敦係包容多元文化嘅大都會中心，一直躋身全球最重要嘅美食集散地之列，市內嘅波羅市場 (Borough Market)、布里克斯頓村 (Brixton Village) 以至其他市集都有一個共通點，奉行「食品質素至上」嘅原則。 以下係我哋精挑細選嘅倫敦最佳食品市場，不如暫別傳統嘅餐枱侍應服務，試吓走出街頭，發掘呢座城市最好味嘅地道名物吖？
倫敦夜生活推介
倫敦嘅 5 大除夕活動
你認為倫敦嘅除夕淨係得 Party、音樂同煙花匯演？咁你可能會大跌眼鏡喇！上述活動固然係慶祝新年嘅好節目，但係只要你對呢個城市「抽絲剝繭」，就仲會搵到唔少獨特而知名嘅倒數方式。 無論你想喺最熱鬧嘅市中心夜店倒數，定係搭船去鼎鼎大名嘅泰晤士河 (River Thames) 地標過除夕，我哋都會幫你發掘至好玩嘅慶祝活動。快啲繼續睇落去，一覽我哋精選嘅倫敦最佳除夕節目啦！