倫敦 10 大最好玩嘅一日遊行程

嚟英格蘭旅行嘅最大優點之一，就喺只要幾個鐘車程，已經參觀到唔少地標。你可以用一個朝早參觀古老嘅溫莎堡 (Windsor Castle)，探索全歐洲最長時間有人居住嘅宮殿，然後再去擁有全球最悠久建築嘅露天場地，探索巨石陣 (Stonehenge) 嘅奧秘，順道欣賞吓巴斯市 (Bath) 嘅羅馬時代浴場。經典名勝盡冶一爐，英國知名景點任你一站式遊遍！

科茨沃爾德 (Cotswolds) 坐擁古樸村莊同起伏丘陵，充分展現英格蘭鼎鼎大名嘅田園魅力！由伯福德 (Burford)、拜伯里 (Bibury) 以至水上伯頓 (Bourton-on-the-Water)，個個城鎮都有追溯至改革時期嘅石屋，同埋童話故事入面提到嘅場景，不妨用一日時間遠離城市喧囂，欣賞吓平靜優美嘅田園風光吖！

如果你有興趣參觀東南地區，呢度就有唔少地標景點啱晒你！呢趟旅程會由格林威治子午線 (Greenwich Meridian) 開始，先參觀湖邊嘅城垛同埋利茲城堡 (Leeds Castle) 嘅都鐸式風格莊園，再欣賞坎特伯雷大教堂 (Canterbury Cathedral) 嘅哥德式尖頂。然後，你可以喺多佛 (Dover) 白崖 (White Cliffs) 眺望英吉利海峽 (English Channel)，睇盡島上最特別嘅景色，再返入城鎮。

如果你係 JK 羅琳嘅鐵粉…JK 羅琳最暢銷小說改編而成嘅電影猛片就係喺呢度拍攝，你又點可以錯過探索呢間著名魔術學校嘅機會呢？你可以參觀吓令霍格華茲巫師世界變得栩栩如生嘅華納兄弟工作室，欣賞電影場景、道具同化妝；而呢趟牛津 (Oxford) 之行仲會向你展示英格蘭對教育歷史所作出嘅傑出貢獻，帶俾你走遍全球最古老大學廳堂嘅機會添！

呢座位於默西河 (Mersey) 岸上嘅城市好有故事架，皆因佢係 Fab Four 初踏大舞台嘅地方！呢趟旅行會有極多休閒時光，俾你探索默西拍特 (Merseybeat) 時代嘅古老歷史、透過披頭四樂隊嘅故事展覽重溫呢支 Band 嘅歷史，再認識吓佢哋嘅住所、演出地點同靈感來源。到咗下晝，神奇嘅神秘之旅 (Magical Mystery Tour) 將會帶你參觀披頭四隊員嘅故居、以至充滿傳奇色彩嘅洞穴俱樂部 (Cavern Club) 等地標，想像吓四子早年喺呢度演出嘅畫面。

獨特而經典嘅英國景點，盡在充滿故事嘅切斯特城 (Chester) 之中！你可以悠閒咁搭火車穿越英倫中心地帶，探索經典嘅黑白建築、中世紀建築同埋切斯特古城牆；又或者坐開篷巴士沿路了解市內歷史，再參觀埋羅馬圓形劇場等地標。之後，你仲可以慢慢行吓商舖同行人路，然後先搭火車返倫敦。

喺歷史悠久嘅約克郡 (Yorkshire) 裡面，中世紀塔樓同田園風光相映成趣，而呢度亦都係體驗英倫歷史嘅好地方！不妨搭無限次上落嘅 hop-on hop-off 巴士，行勻哂宏偉嘅約克大教堂 (York Minster) 同中世紀 Shambles 購物街等景點，再欣賞埋烏茲河 (River Ouse) 沿岸嘅風景吖？你亦都可以預留少少時間，參觀約爾維克維京中心 (Jorvik Viking Centre)，了解吓塑造北英格蘭歷史嗰班北歐人嘅生活風情。

蘇格蘭首都愛丁堡又名「北方雅典 (Athens of the North)」，係全英國最靚嘅城市之一，由高聳嘅城堡石山 (Castle Rock) 以至希臘復興 (Greek Revival) 建築傾注鮮明無雙嘅特色。你可以搭火車，一邊欣賞秀麗風光，一邊向蘇格蘭進發，親身探索各大景點！開篷雙層巴士會帶你遊遍成座城市，中途停站蘇格蘭議會 (Scottish Parliament) 同聖羅德豪斯宮 (Palace of Holyroodhouse) 等等嘅名勝，仲會入埋去愛丁堡城堡 (Edinburgh Castle)，俾你參觀吓蘇格蘭國王嘅故居添！

登上歐洲之星 (Eurostar)，要來往倫敦同西歐其他歷史名城之間，話都冇咁易；而巴黎一日遊正正就係欣賞呢座城市嘅最佳方式之一！導遊會為你介紹新古典主義嘅宏偉建築同林蔭大道，帶你去艾菲爾鐵塔 (Eiffel Tower) 嘅二樓嘆午餐，再欣賞埋羅浮宮嘅《蒙娜麗莎 (Mona Lisa)》同《米洛的維納斯 (Venus de Milo)》真跡。一日行程結束，返到去倫敦，你仲可以比較埋兩座城市嘅獨特魅力添！

湖區 (Lake District) 因為比阿特麗克斯波特 (Beatrix Potter) 兒童讀物嘅田園散文而聞名，絕對唔會令人失望！你可以搭火車入去英格蘭西北部嘅起伏山丘同平靜水域，參觀奧克森霍姆 (Oxenholme) 同霍克斯黑德 (Hawkshead) 等寧靜嘅社區，順道欣賞蘭代爾派克冰川 (Langdale Pikes) 嘅靚景；之後，係時候搭船穿越溫德米爾湖 (Lake Windermere)，再喺曾經由波特小姐擁有嘅林德斯豪恩鄉村別墅 (Lindeth Howe Country House) 嘆下午茶，為呢段風景秀麗嘅旅程劃上句號。