英格蘭

英格蘭歷史悠久，遠近馳名，科技、藝術樣樣皆精，出色成就隨處可見，特別喺曼徹斯特、布里斯托呢啲著名城市。而倫敦更加不在話下，嚟到英格蘭，又點可以錯過呢個神秘莫測嘅首都呢？大家嘅行程入面一定會有國會大廈、白金漢宮之類發人深思嘅標誌性景點，亦會參觀一啲世界頂級嘅博物館。不過，倫敦充滿國際氣質嘅街道同著名景點，都未必比得上英格蘭中部各郡嘅古樸村莊、連綿起伏嘅青翠丘陵；如果你繼續向北玩，仲可以欣賞奔寧山脈 (The Pennines) 同湖區 (Lake District) 嘅崎嶇山景添！

當然，英格蘭唔係淨係得傳統遺產嘅。講到飲食文化同潮爆時裝，英格蘭向來緊貼時代脈搏。隨住交通系統不斷改善，遊走英格蘭真係輕鬆到不得了，想去南部海岸嘅海灘又得，去蘇格蘭邊境一帶嘅中世紀集鎮亦得。