倫敦
講到經典地標，都冇乜邊個城市可以同倫敦匹敵！白金漢宮富麗堂皇嘅皇室風格，以至大笨鐘嘅哥德式輝煌設計，都係呢座英國首都令人印象深刻之處。倫敦市內對比處處—騎士橋 (Knightsbridge) 開滿頹廢風格嘅百貨商店，氣氛奢華而「作狀」；另一邊廂，潮區肖迪奇...
英國
出發前須知
英國歷史悠久，個性鮮明，美麗不可方物！呢個國家由英格蘭、蘇格蘭、威爾士同北愛爾蘭組成，有數之不盡嘅耀目風光同獨特文化，除咗孕育出莎士比亞、The Beatles 等等巨人，仲有蘇格蘭短裙、炸魚薯條、英國皇室呢啲民俗標誌添！幾百年嚟，英國一直係文化、政治同歷史樞紐，為世界各地帶嚟深遠影響。
由金光燦爛嘅「不夜城」倫敦、威爾士鄉郊嘅古樸街巷、蘇格蘭高地嘅迷人山脈湖泊，以至貝爾法斯特 (Belfast) 嘅奇特街道，英國魅力無雙，極具人氣，而且坐擁 30 個聯合國教科文組織世界文化遺產、15 個壯麗國家公園、崎嶇海岸線，同埋各具特色嘅城市景觀，國土雖小，勝在活力非凡！
英國玩樂推介
精選指南及趣聞
英國飲食推介
英國購物推介
英國夜生活推介
倫敦嘅 5 大除夕活動
你認為倫敦嘅除夕淨係得 Party、音樂同煙花匯演？咁你可能會大跌眼鏡喇！上述活動固然係慶祝新年嘅好節目，但係只要你對呢個城市「抽絲剝繭」，就仲會搵到唔少獨特而知名嘅倒數方式。 無論你想喺最熱鬧嘅市中心夜店倒數，定係搭船去鼎鼎大名嘅泰晤士河 (River Thames) 地標過除夕，我哋都會幫你發掘至好玩嘅慶祝活動。快啲繼續睇落去，一覽我哋精選嘅倫敦最佳除夕節目啦！