中東相當迷人，盛載住古代文明同文化，係世界十字路口，有各大民族﹑宗教同傳統喺度交匯融合，喺地理上亦都係北非﹑東歐同西亞嘅接壤點。由超現代嘅杜拜哈利法塔 (Burj Khalif)、歷史悠久嘅耶路撒冷西牆 (Western Wall of Jerusalem)，到沙特阿拉伯空曠地區嘅沙漠景觀，每個角落都享負盛譽，
無論氣氛定係景點同樣舉世無雙！其中，黎巴嫩充滿驚喜，既有山區嘅滑雪勝地，亦都有貝魯特 (Beirut) 嘅狂熱 Party，相映成趣；阿曼嘅內陸地區山脈綿延，同國內穆桑丹半島峽灣 (Musandam Peninsula) 一樣坐擁充滿挑戰性嘅遠足路線，又以壯麗山巒風景作為行勻全程嘅「最佳回報」；如果你想喺每個街角都見到世界歷史，咁就要去以色列喇，仲可以順道遊覽海灘勝地添！
