多哈 11 種最正購物體驗

嚟多哈旅行，瓦基夫市集 (Souq Waqif) 係必去嘅地方，呢度迷宮咁嘅市集攤檔擺滿咗紡織品、珠寶、香料和當地手工藝品。瓦基夫市集係卡塔爾最古老嘅市集之一，曾經係貝都因人嘅繁忙貿易中心，佢哋嚟呢度主要係進行駱駝交易同買賣遊牧生活嘅必需品。

最好一早或者夜晚去瓦基夫市集，以避開日頭嘅炎熱天氣。再出發去下一個地方之前，可以抽時間停低飲杯冰爽嘅茶。

如果你買啲閃令令嘅黃金獎勵吓自己，或者想要搵份完美紀念品送俾你嘅摯愛，黃金市集就係一個好去處。呢個市場主要賣嘅係精緻嘅金飾同珍貴寶石，但係亦有價錢合理嘅配飾可以買到，包括金、銀同白金。

如果喺當地節日之前嚟參觀，你可能會發現市集比平時熱鬧，因為傳統上，男士會買 22 克拉金手鍊俾屋企嘅女士作為節日禮物。

多哈節日城係規模極大嘅商場，裡面開設幾百間舖頭，但係商場提供嘅精彩娛樂先係真正吸引人嘅地方。家庭客一定會鍾意去 Angry Birds 公園；裡面有碰碰車、彈床公園、卡丁車賽道、高空滑索，仲有 Angry Coaster 同 Raft Battle 等等令人心跳加速嘅刺激遊樂設施。

一於喺室內雪造滑梯同雪丘形成嘅雪山上盡情玩，逃離沙漠嘅炎熱天氣。入場費包括保暖裝備，可以俾遊客租用。喺大買特買、暢玩雪山之後開始覺得肚餓？你可以喺多哈節日城超過 100 間餐廳當中揀一間，大快朵頤。

就算你冇打算喺多哈買新鮮嘅農產品，都值得嚟中央蔬菜市場行吓，周圍望下都相當有趣。呢個熱鬧嘅市集係幾年前舊嘅多哈露天市集搬過嚟嘅，同時係廚師搵價廉物美嘅魚類、肉類同農產品必到嘅地方，佢哋可以大量搜購，然後用手推車將買到嘅嘢送上車。

市集嘅小販相當好傾，你可以同佢哋傾吓，了解有咩推介同優惠，而且喺買之前想要試下香甜多汁嘅西瓜或者其他水果，係完全冇問題嘅。如果你淨係需要買小量嘅嘢，可以去呢個市場零售區域睇下有咩色彩繽紛嘅農產品啱食。

色彩繽紛嘅阿爾迪拉市集有眾多優質布料售賣，包括蕾絲、茄士咩同絲綢。不妨抽啲時間，嚟呢個大型市集行吓。呢度嘅產品冇固定價錢，仲可以講價，所以唔駛急住買嘢。

市集出咗名有熟手嘅裁縫，佢哋可以將你揀好嘅布料剪裁成一件完美稱身嘅裙、外套或者其他服裝。呢度係當地人買度身訂造阿巴雅連身裙同傳統阿拉伯服裝嘅熱門地方。如此特別又度身訂造嘅紀念品，絕對係你多哈之旅嘅最佳紀念品。

不妨參觀濱海大道魚市場 — 你喺多哈食過嘅美味海鮮，分分鐘都可能喺嚟自呢度。魚市場位於風景秀麗嘅濱海大道，清晨時間特別熱鬧，因為漁民會帶嚟佢哋當日嘅漁獲黎到呢度。

沿住碼頭散步，睇下整齊排好嘅海鮮，包括棘鳍鱼 (一種白點泥鯭)、海膽同橙點石斑，顧名思義喺橙色斑點嘅石斑。吹住海風，同時睇住當地漁民於住修理漁網，以準備好漁船第二日出海。濱海大道魚市場為你帶嚟震撼各個感官嘅海濱美食。

多哈市中心商場係一個極之方便嘅購物聖地，連接住 3 間多哈嘅主要酒店，包括多哈香格里拉酒店。座落於繁忙嘅西灣商業區，裡面有幾十間鋪頭同餐廳，嚟呢度流連幾個鐘都唔係問題。多哈市中心商場仲有溜冰場、保齡球場、兒童遊樂區同電影院，所以好多人都會喺呢度玩足成日。

雖然呢度喺多哈其中一個較歷史悠久嘅商場，佢仍然吸引到好多鍾意購物嘅人，無論係當地居民定係遊客都一樣。商場入面有國際熱門高級牌子，同埋豪華同獨家嘅時尚精品店。

喺九月至四月嘅每個週末， MIA 公園市集都會喺伊斯蘭藝術博物館嘅場地舉行。呢個市集比起傳統嘅市集更新，供應當地同國際藝術家嘅藝術品、手工藝品同創意美食。仲有好多唔同嘅服飾、書同紀念品可以買。

每年嘅冬天，呢度有多達 150 個市集攤檔，非常熱鬧。行市集嘅同時仲可以睇埋藝術博物館，令你一日嘅活動變得相當豐富，呢度有好多嚟自穆斯林世界嘅藝術品同文物，令人一見難忘。

阿曼市集係多哈一個比較細嘅市集，但亦非常值得去，一於嚟呢度欣賞吓五顏六色嘅香料、陶瓷煲、香水同籃。阿曼市集同多哈一啲以旅遊為主嘅市集唔同，大多係當地人需要買日用品或者新鮮蔬果去嘅地方。

想食小食嘅遊客，可以喺隨意擺放商品嘅攤檔裡面，尋找好味嘅沙特棗同當地蜂蜜，亦可以停低飲杯卡塔爾嘅傳統卡拉克茶。

老佛爺商場位於卡塔拉文化村裡面，佔地約 15,000 平方米。呢度又叫做拉法葉百貨公司，為當地同國際購物者帶嚟巴黎風格嘅購物體驗，設有 400 間國際牌子同大量餐飲選擇。你可以喺呢間多哈百貨公司搵到 Chanel、Berluti、Karl Lagerfeld 同 Marc Jacobs 等牌子嘅產品。

如果你血拚到肚餓，可以去 Cioccolatitaliani 試下佢哋好好味嘅朱古力，或者享用 Café Pouchkine 嘅豐富俄羅斯同法國菜美食。卡塔拉文化村嘅老佛爺商場位於多哈西灣同卡塔爾明珠島之間。

阿哈茲姆商場喺一個有大約 125 間鋪頭嘅商場，當中大部分都係高級設計師牌子嚟。呢個文藝復興風格嘅建築物有托斯卡納大理石地面、拱門、露天廣場，同埋種滿橄欖樹嘅行人路。喺商場出面，仲可以見到一個類似巴黎羅浮宮博物館咁嘅玻璃金字塔。

阿哈茲姆商場裡面有好多時尚餐廳選擇，包括 Magnolia Bakery、Café Pierre Herme 同 Guylian Café。購物行足全日後，你可以喺阿哈茲姆文化中心，又叫做阿哈茲姆圖書館放鬆一下。裡面有好多英文同阿拉伯文嘅罕有書籍同雜誌。