多哈
出發前須知
多哈係一個正在堀起嘅新興中東城市。隨住多哈成為世界性活動嘅焦點地方，市內基礎設施同景點亦不斷發展，以滿足日益增長嘅需求。市內仍保留昔日風貌同古老傳統，所以現代購物商場同傳統露天市集林立。
多哈於 2022 年主辦 FIFA 世界杯，令人萬分期待，其他必去著名景點仲有奪目嘅伊斯蘭藝術博物館 (Museum of Islamic Art)，同埋宏偉嘅瓦吉夫傳統市集 (Souq Waqif)。不妨順道去埋美麗嘅海濱大道 (Corniche)，欣賞聳高摩天大樓下，喺海灣上漂浮嘅木製獨桅帆船。
多哈玩樂推介
精選指南及趣聞
多哈嘅好玩活動揉合現代奇觀同古老傳統，充滿趣味，等你探索。初嚟甫到，卡塔爾即刻以閃閃發光嘅天際線展現國家富庶一面，亦正因為呢份雄厚財力，先令多哈由樸素嘅捕漁採珠小鎮，蛻變成國際大都會。 呢座沙漠城市幾乎日日都天晴炎熱，咁就令到冷氣充足嘅博物館、購物中心同娛樂場所成為日間逃離煩囂嘅好去處。如果鍾意戶外探險，市內同周邊地區嘅海灘優美，沙丘綿延不絕，同樣值得遊覽。 多哈邊啲活動最好玩？閱讀更多資訊
多哈 10 大玩樂活動
多哈嘅好玩活動揉合現代奇觀同古老傳統，充滿趣味，等你探索。初嚟甫到，卡塔爾即刻以閃閃發光嘅天際線展現國家富庶一面，亦正因為呢份雄厚財力，先令多哈由樸素嘅捕漁採珠小鎮，蛻變成國際大都會。 呢座沙漠城市幾乎日日都天晴炎熱，咁就令到冷氣充足嘅博物館、購物中心同娛樂場所成為日間逃離煩囂嘅好去處。如果鍾意戶外探險，市內同周邊地區嘅海灘優美，沙丘綿延不絕，同樣值得遊覽。 多哈邊啲活動最好玩？
多哈飲食推介
卡塔爾 10 大滋味美食 + 多哈覓食指南
呢份指南為你介紹喺多哈值得一試嘅地道美食。貴為首都，多哈嘅國際美食多元化到你唔信，缺點就係旅途上未必搵到經典卡塔爾菜式。就算係咁，都唔好放棄尋覓當地傳統餐廳：由豐盛家常燉菜到精緻甜品，正宗風味令人難忘。 幾個世紀以嚟，卡塔爾美食一直受到北非、印度同貝都因文化影響，菜式充滿複雜風味，結合慢煮風格同豐富香料。嚐味多哈，絕對會成為行程亮點，所以我哋專誠編制咗一份正宗美食名單，加埋覓食指南，帶你食勻卡塔爾。 卡塔爾邊啲美食最好味？
多哈購物推介
多哈 11 種最正購物體驗
多哈坐擁時尚購物中心、傳統市集同多元化娛樂選擇，簡直係 Shopping 達人嘅夢想天堂。講到多哈最有特色嘅購物體驗，離唔開擁擠嘅市集：試想像下你係幾個世紀之前嘅貝都因游牧民族，漫步其中，話唔定會發現意想不到嘅珍寶。 我哋誠意獻上多哈購物勝地推介 + 必買之選指南。由地板到天花板都堆滿黃金珠寶嘅舖頭、真係買得走嘅兇猛獵鷹、到白雪覆蓋嘅室內遊樂園…呢啲都只係喺卡塔爾首都 Shopping 期間偶遇嘅其中一啲驚人發現。 多哈邊種購物體驗最正？
多哈夜生活推介
多哈 10 大夜蒲活動
多哈嘅夜生活豐富多彩，雖然禁止喺公眾場所飲酒，但周圍嘅 Party 氣氛熱烈不減。卡塔爾首都固然以超現代化摩天大樓同伊斯蘭風格建築傑作而聞名，但係一到太陽落山之後，就輪到頂樓酒吧、舊城購物區、甚至沙漠探險節目接棒，激發旅客嘅興奮情緒。 漫步卡塔爾最熱鬧嘅市集之中，喺日落時份飲杯 Cocktail，又或者趁住傍晚氣溫涼爽，同三五知己坐低食支水煙，同樣寫意。要喺首都度過美好嘅夜晚，方法有好多種。 多哈邊啲夜蒲活動最好玩？