多哈街區指南

西灣係市内最受歡迎同最多成功人士嘅地區之一，呢度有高樓大廈同好靚嘅公園。你一定會鍾意行吓海邊嘅阿爾達夫納公園同埋設計令人印象深刻嘅酒店公園。你會見到四周圍有好多精彩嘅建築，例如 Doha 同 Tornado Tower，區內有唔同嘅公司總部、部門、餐廳、酒店、多哈展覽同會議中心

呢個地區位於海灣嘅中心，就喺哈海岸隔離，地理位置極之理想。西灣距離市內嘅所有人氣景點都好近，全部都可以方便去到，所以對嗰啲鍾意住喺市中心嘅人嚟講，呢度係一個極受歡迎嘅景點。另外，你會喺呢度見到 The Gate Mall 同巨型嘅多哈市中心購物同娛樂大樓，所以非常值得嚟呢度探索一下。

Al Jasra 同市內嘅高聳摩天大樓同豪華商場非常唔同，你可以係呢度感受多哈嘅豐富遺產同傳統魅力。Al Jasra 位於卡塔爾首都嘅中心位置，行幾步就可以搵到好多城市嘅主要景點，例如壯觀嘅珍珠紀念碑 (Pearl Monument)。附近亦開設咗多間酒店。

Al Jasra 其中一個最有吸引力嘅地方係，呢度有非常特別嘅瓦基夫市集，呢個係一個非常特別嘅熱鬧市集，亦係全國最大嘅市集之一。你可以黎呢度試下自己嘅講價技巧，而且喺市集嘅時候，記得要去參觀附近嘅駱駝園，睇下放牧緊嘅毛茸茸駱駝 (佢哋又有一個特別嘅名：沙漠船)。Al Jasra 嘅其他景點包括 Sheikh Abdulla bin Zaid Al Mahmoud 伊斯蘭中心同 Souq Al Jaber。

喺多哈市中心向北出發，你就會嚟到卡塔爾首都非常出名同奢華嘅珍珠島區。呢個人工島係以呢個地方以前嘅珍珠潛水點嚟命名，島上有眾多高尚住宅區。置身島上，你會見到好多豪華別墅、排屋同酒店，仲有好多設計師精品舖頭同出名嘅餐廳。

無論你想體驗一下珍珠島嘅豪華生活，定係就咁去啲舖頭行下，望吓沿碼頭停泊嘅豪華游艇 — 呢度都係體驗多哈絕對必去嘅地方。

Al Baaya 區 (又叫做 Al Waab) 可能離多哈市中心有少少遠，但呢度都有好多嘢值得你嚟睇睇。呢度非常受家庭旅客歡迎，係青蔥遼闊嘅 Aspire Park 所在地，呢個開揚嘅綠地係以 Aspire Lake 同相當好玩嘅 Jungle Zone 室內主題樂園為中心。

位於巴亞嘅頂級維拉吉奧購物中心 (Villagio Mall)，亦係多哈嘅人氣景點之一。呢個豪華嘅商場有好多設計師精品店、佢哋自己嘅主題樂園、電影院同埋意大利主題景點，仲有運河同貢多拉。Al Baaya 嘅另一個亮點，就係領先全球嘅專業骨科和運動醫學醫院 Aspetar。

顧名思義，呢度係多哈前國際機場搬到海邊之前嘅舊機場所在地。舊機場喺市中心南面，係多哈其中一個比較靜嘅郊區，除咗繁忙嘅舊機場大街之外，主要都係住宅。呢條路又叫做 Al Matar Al Qadeem 街，兩邊有大量舖頭同餐廳，如果你想搵一個物價冇市中心咁誇張嘅地方，嚟呢度就啱喇。

離開舊機場大街，你就會見到 The Mall。商場就位於呢個地區車水馬龍嘅 Najma 迴旋處附近，係卡塔爾首座商場，裡面有超過 80 間零售舖頭，仲有餐飲、飲品同娛樂選擇。

多哈港係呢個城市其中一個必去地方，雖然呢度冇真正被歸納入多哈區。呢座城市有最出名嘅景點，當中包括壯觀嘅伊斯蘭藝術博物館。呢座建築物有住令人驚嘆嘅建築風格，可以喺市內海濱嘅華麗 MIA 公園入裡面搵到。而且呢度收藏咗當地其中一啲最好嘅伊斯蘭藝術收藏品；博物館免費入場，係絕對唔可以錯過嘅體驗。

當你參觀完博物館同公園之後，就可以去多哈天際線觀景台，把握難得嘅都市地平線影相機會。港口本身冇任何酒店，但係附近就有好多住宿選擇。

盧賽爾城係卡塔爾時尚、豪華、務實嘅住宅區。呢個區應有盡有，服務配套非常好，同多哈市有好多相似地方，對居民同遊客嚟講都係一個非常吸引嘅地方。

多哈盧賽爾城嘅設計非常特別，用嘅係海上填海嘅土地，各方面都採取極高嘅標準，確保入住呢區嘅人都可以享受現代同方便嘅生活。為咗迎接 2022 年係卡塔爾舉行嘅 FIFA 世界盃，呢度起咗幾個主題樂園、劇院同奢華商場。

外交區位於多哈主要海灣嘅最北面，呢區有非常高級嘅感覺同充滿活力嘅氣氛，仲有好多活動可以做。喺呢個城市大量高聳入雲嘅摩天大樓之中，你會搵到夜晚用餐嘅好地方，或者日頭飲杯咖啡嘅潮流地方。

外交區係其中一個最受外籍人士歡迎嘅地方。你會喺呢度見到好多豪華同知名嘅連鎖酒店，例如多哈 W 酒店同多哈四季酒店。嚟到呢度，你有好多機會可以盡情忘我購物，而且仲有幾個沙灘俾你曬曬太陽。

Abu Hamour 係一個非常受家庭歡迎嘅住宅區，因為呢度有大量住屋選擇同多間學校。Abu Hamour 位於多哈市中心嘅西南部，有為數不少嘅舖頭、商場同市集，可以俾你休閒咁行吓街、講價血拼。

以前呢度係非常出名嘅批發市場，有新鮮魚同動物賣，當市場遷出之後，好多當地人都感到輕鬆不少。而家，你可以喺呢個色彩繽紛嘅多哈中央市場享受到傳統嘅購物體驗。

阿爾達夫納 (Al Dafna) 位於市中心嘅海邊地區，呢幾年呢度嘅發展迅速，唔單止成為中央商業區，仲成為多哈嘅主要市中心區域。呢度係多哈最高級嘅地區之一，喺 Corniche，亦即係市內嘅海濱長廊嘅地位非常高；置身其中，仲可以望到阿拉伯灣同四圍嘅城市天際線美景。

如果你想喺多哈旅遊嗰陣感受到多啲當地文化，位於 Al Dafna 嘅卡塔爾國家劇院就相當適合你；呢度會定期舉辦表演、音樂會同活動。或者，如果想要與別不同嘅體驗，記得要去雨傘公園 (Umbrella Park) 五顏六色嘅行人路度散步。