卡塔爾 8 個最宏偉嘅足球場

盧塞爾體育館係 2022 年世界盃嘅揭幕戰同決賽場地。呢個令人一見難忘嘅體育館由英國建築師 Foster + Partners 設計，當中反映咗博大精深嘅阿拉伯藝術，未踏入去就已經足以令遊客驚嘆不已。

遊客唔單止可以睇到成個球場嘅景觀，仲可以體驗到太陽能冷氣系統。呢個體育館相當注重可持續發展，希望將最大入場人數由差唔多 9 萬人縮細到 4 萬人，同埋比唔同嘅社區項目使用。建議你預約參加導賞團，了解呢個體育館嘅輝煌歷史。盧塞爾體育館位於多哈北部嘅創新城市盧塞爾，喺首都搭地鐵就可以輕鬆去到。

哈里發國際球場係唯一唔係由零開始起嘅卡塔爾足球世界盃球場地，係卡塔爾最有標誌性嘅國家級球場。經過大規模嘅翻新之後，呢個球場喺 2017 年重新開放，不但可以容納 4 萬人，更可以舉辦直至四強階段嘅足球比賽。球場嘅先進冷卻技術，令球員同球迷都可以享受到舒適嘅氣溫；場內嘅雙拱形外部結構，亦完美呈現球場嘅現代化元素。

哈里發國際體育館位於多哈 Aspire Zone 嘅心臟地帶；呢個區有眾多新科技發展同創新元素，而 2022 年世界盃舉辦期間更加係球迷主要聚集嘅地方。

位於 Al-Khor 市中心嘅阿爾拜特體育館，係 2022 年世界盃準決賽嘅舉辦地方。呢個球場嘅設計非常特別，參考咗貝都因人所用嘅帳篷 — 貝都因係一群遊牧民族，喺全國各地生活咗幾個世紀。球場可伸縮嘅獨特屋頂係一大亮點，令呢度喺任何天氣都可以舉辦賽事。

呢個可以容納到 6 萬人嘅球場座落係一個更寬闊嘅綜合建築入面，裡面仲有商場、醫院、餐廳等設施。估計你應該都會鍾意行吓四周圍嘅公園同附近嘅綠地，特別係你嘅小朋友想去遊樂場玩嗰陣。想喺卡塔爾享受難忘時光？咁就要入住球場其中一間豪華五星級酒店房間，置身其中，你可以欣賞到壯闊嘅球場景色。

艾爾加努布體育館係一座外觀非常獨特嘅體育館，可以容納約 4 萬人。呢度係由已故嘅全球著名建築師 Dame Zaha Hadid 設計嘅，融入咗佢嘅招牌曲線風格設計。呢個時尚嘅卡塔爾球場，其創作靈感係嚟自長期喺阿拉伯半島 (Arabian Peninsula) 運作珍珠漁船嘅船身。喺興建體育館用嘅傳統材料，甚至係木材，就可以睇到呢一點。

呢個體育館唔單只可以搞足球賽 — 由於場館可以好輕易咁重新配置，所以亦可以用嚟舉辦田徑同欖球賽事。艾爾加努布體育館而家係 Al-Wakrah SC 引以為傲嘅主場，場內亦設有公園、游泳池同水療中心，令佢成為遊客嘅度假首選目的地。

非常現代化嘅艾爾雷揚體育館位於 Ahmed Bin Ali Stadium 嘅遺址，由舊場地嘅碎石建造而成，而家係艾爾雷揚體育會 (Al-Rayyan Sports Club) 嘅主場，裡面仲有好多其他設施。呢個體育館最值得留意嘅地方係外部嘅半透明屏幕，由金屬網格包圍住，可以投影新聞、廣告、體育新聞等。

嚟到卡塔爾，參觀球場同重溫佢地嘅世界盃回憶係一個唔錯嘅晏晝活動，順便可以喺附近嘅商場行吓。艾爾雷揚係卡塔爾最傳統同歷史最悠久嘅城市之一，係通往沙漠嘅必經之地，俾你可以了解下呢個國家嘅悠久歷史。

艾圖瑪瑪體育館距離多哈中心只有 12 公里，可以容納 4 萬人，建築外觀非常獨特，而且功能全面。呢個體育館嘅有趣特別蕾絲設計，係受到阿拉伯男士戴嘅傳統織帽 taqiya嘅啟發。

舉辦完世界盃賽事之後，艾圖瑪瑪體育館就變成一個社區體育場館，一定要嚟呢度打排球、籃球同游水體驗一下。艾圖瑪瑪體育館同好多為咗 2022 年世界盃起嘅球場一樣，喺比賽之後將容納人數減半，將超過 2 萬個座位捐贈出去，幫助發展中國家推廣足球同球場。由多哈出發嘅話，可以搭一條專門起嘅地鐵線去到呢個球場。

賈西姆本哈馬德體育館無緣參與 2022 年嘅世界杯，但係咁唔代表佢唔值得列入我哋嘅卡塔爾最佳足球場名單。呢度除咗舉辦過重要嘅國際同本地比賽，亦係當地非常重要、專為社區服務嘅體育館。 

呢度係卡塔爾明星 (Qatar Stars) 聯賽隊嘅主場，喺你去卡塔爾旅行期間，睇下佢哋其中一場嘅比賽，都非常值得。不妨花啲時間睇吓呢度受單桅帆船啟發嘅特別結構 — 呢個結構係特別向呢個國家嘅航海文化致敬。記得帶相機嚟影吓相。