卡塔爾 7 個最正嘅公園

亞斯帕公園面積好大，佔地超過 200 英畝，卡塔爾嘅運動愛好者嚟呢度可以參加好多唔同嘅活動。呢個熱鬧嘅公園距離卡塔爾首都多哈嘅西面大約 13 公里。你可以喺慢跑徑上跑步，開始精力充沛嘅一日，然後喺酒店嘅咖啡廳飲杯即沖咖啡。喺夜晚，你可以喺魚池隔離嘅公園長凳上面放鬆下，非常寫意，享受一個漫長而炎熱一日後嘅微微涼風。

呢個公園喺夜晚會變得非常熱鬧，你可以喺大草坪上燒烤，仲可以欣賞多哈嘅天際線。記得要登上火炬塔 — 呢座 300 米高嘅摩天大樓有個觀景台甲板，同埋一個可以睇到壯觀景色嘅旋轉餐廳。

阿爾比達公園係沿住多哈海濱大道、包羅萬有嘅公園；裡面有跑步徑、 7 個遊樂場，仲有多種健身設備可以俾人鍛煉身體。除此之外，公園仲有足球場同籃球場，更加證明呢度適合鍾意運動嘅人士。

同多哈其他好多公共空間同公園唔同，阿爾比達公園係寵物友善嘅公園。不過記住，你要用寵物繩確保寵物係身邊。公園有眾多燒烤爐、長凳同檯，同親朋好友一齊 BBQ 都極之方便。阿爾比達公園就位於沿住多哈中部嘅海岸線位置，一場來到可以順便參觀埋瓦基夫市集。

瓦基夫市集公園 (Souq Waqif Park) 係多哈市中心嘅綠色空間，係鍾意植物人士嘅最佳去處。呢個喺海岸線附近嘅花園有五顏六色嘅花圃，你亦可以喺草地玩吓，或者擺張氈，喺草地上享受野餐。園內亦有個大型噴泉，至啱小朋友用嚟消暑同玩樂。

呢個公園同附近嘅瓦基夫市集都會舉辦眾多活動，包括有關雜技同舞蹈表演嘅春天活動。喺七月，你可以喺當地棗子節 (Local Dates Festival) 期間享用時令嘅棗子。

伊斯蘭藝術博物館公園全年舉辦眾多活動。喺十月至二月涼爽啲嘅月份，呢度有露天電影院同埋喺草地上舉行嘅健身班。夜晚沿住海濱長廊散步，你會見到非常靚嘅多哈天際線，仲有波光閃閃嘅海灣背景。

伊斯蘭藝術博物館公園不但有巨大嘅跳彈床，仲有一個有繩索、樓梯同滑梯嘅夢幻城堡，令精力十足嘅小朋友玩得盡興。你甚至可以租單車，悠悠閒閒咁踩單車遊覽公園，享受晚上嘅涼風。

酒店公園就位於多哈喜來登度假大酒店 (Sheraton Grand Doha Resort) 後面，即 Corniche 街嘅北面。由於呢度有個大型遊樂場，亦有保安 24 小時當值，所以呢度非常適合全家一齊去玩。呢度定期會舉辦活動，當中好多都係以家庭為主。公園設有 4 層高嘅地下停車場，提供超過 2,500 個車位。

酒店公園總面積達 80,000 平方米，其中綠化面積約 34,500 平方米。呢度有 5 個水上設施，健身區有 12 個挑戰性十足嘅玩意、祈禱室，同埋幾間餐廳同小食亭。

卡塔拉山脈橫跨卡塔拉文化村嘅周圍、約 361,500 平方米嘅清涼草地同樹林。花園將文化村分開咗兩邊，北山同南山，呢度有步行徑同康樂設施。

呢個公園因為連綿起伏嘅山丘而有呢個名，園內種咗大約 3,300 棵嚟自世界各地嘅樹木，為卡塔拉帶來更大自然嘅感覺。喺卡塔拉山脈，你可以欣賞到卡塔拉海灘 (Katara Beach) 嘅靚景，係享受平靜同寧靜時間嘅好去處。