上海酒店

香港旅客的 10 大旅遊勝地

搜尋酒店

  • 大部分客房均可立即付款或入住酒店時付款
  • 大部分客房均免收取消費用
  • 價格保證

上海自由行

上海簡介

好多人會將上海同香港相提並論,互相比較,因為兩地同樣都係國際大都會,以購物天堂、迷人夜景見稱。但當你穿梭喺上海嘅大街小巷,縱橫交錯嘅中西建築就隱隱透露出魔都上海既奢華,又不失格調嘅老上海情懷。如果你剛好有一個長週末假期,不妨考慮去一趟上海自由行,仔細品味一番。

上海觀光景點

上海夜景一向備受推祟,而欣賞夜景嘅最佳位置莫過於就係上海明珠廣播電視塔。明珠塔係亞洲第二嘅高塔,其中一層觀景台係由玻璃地板打造嘅「凌霄步道」,由上俯覽不夜城嘅璀璨燈火,景色同高度都會令你個心離一離。睇完靚景之後,你仲可以坐「中華號」喺黃浦江遊船河,換個角度欣賞南浦大橋同埋楊浦大橋雙龍戲明珠嘅壯麗景致。 嚟上海旅行,就連平常知慳識儉嘅人都難免荷包出血,只因為誘惑實在太多﹗淮海路商圈聚集咗深受名人追捧嘅時尚名店,南京步行街嘅四大百貨公司各式精品服裝一應俱全,你必定搵到心頭好,而講到價廉物美嘅手信土產,去城隍廟福佑路必定有意外收穫。 一場嚟到呢個美食之城,又點可以唔試下大街小巷嘅地道小食同埋高級食府呢?陽澄湖大閘蟹、南翔小籠包、水晶河蝦仁、七寶槽肉、排骨年糕、酒釀丸子、眉毛酥,淨係諗下,就流晒口水,如果可以將所有美食通通放入行李,帶返香港就好啦。 覺得一般餐廳太普通嘅話,建議你可以登上東方明珠塔,喺亞洲最高嘅旋轉餐廳居高臨下,一邊享用佳餚美酒,一邊 360 度細細品味上海景致,同時滿足口福同視覺。

上海酒店

上海作為內地主要城市之一,唔同級數嘅酒店如繁星密佈,散落喺各大景點、商圈;瑰麗堂皇嘅高級酒店、時尚優雅嘅連鎖酒店、簡潔樸素嘅小旅館林林總總,一定有一間合你心水。 行實惠平價路線嘅青年旅館總係會吸引愛好冒險嘅自遊行 Backpacker,經濟型嘅連鎖式酒店更會攪盡腦汁,爭相設計唔同格調嘅套房設施,為嘅只會將新觧感帶俾住客,而奢華 5、6 星級酒店亦各出奇謀,提供各式各樣嘅增值服務,務求搏取遊客芳心。預訂酒店之前,建議你參考上海酒店評論再作決定。

上海住宿選擇

黃浦區係上海最熱鬧嘅地區之一,該區嘅酒店亦係遊客最熱門嘅選擇,無他,只因為一踏出酒店,就可以盡情吃喝玩樂,瘋狂 Shopping,靠行路同坐地鐵,就可以到達各個景點,地理位置優越。 想要近距離仔細欣賞外灘嘅萬國建築博覽,可以考慮入住外灘、陸家嘴等黃金地段嘅高級酒店,唔單只可以享受豪華客房嘅一流景觀,配套服務更體貼入微。

如何前往上海

上海有兩座機場,香港航機主要飛往上海浦東國際機場,全程約 2.5 小時。從機場可乘搭地鐵、磁浮列車或公車往返市區。 上海交通四通八達,地鐵有 12 條路線通往各區景點,另外仲有專供遊客乘搭嘅觀光巴士,循環行駛外灘、人民廣場、陸家嘴等名勝,24 小時內就可以隨意上落車,係自遊行旅客嘅好幫手。 水路交通方面,亦有渡輪提供黃浦江遊船同往返崇明島嘅服務。

上海旅遊指南

  • 上海旅遊概覽指南

    現在的上海已經有翻天覆地的變化,遊客來到上海,除了可以參觀眾多歷史遺址,還能夠在高聳的明珠塔,熙攘的南京路和前衛的世博會會場等地見證上海今日的繁榮。

  • 上海旅遊常識指南

    上海是一個國際性旅遊城市,旅遊設施非常完善,遊客出發之前,可以在相關網站上尋找資料。在旅遊時若迷路,可以找警員或路人問路,一般都會得到回答。

  • 上海旅遊購物指南

    上海歷來都是中國人心目中的商業之都。開埠以後,上海成為了進入中國市場最便利的入口,外商、洋行、中外店鋪紛紛湧入上海,令上海充滿商機,形成了南京路、淮海路這樣的知名商業街。

上海旅遊攻略