京都酒店

京都五日遊-酒店推介

 

相對於繁華嘅東京，京都嘅慢活節奏更適合「Hea 遊」度假。京都為咗極力保存古典嘅風貌，就連新建築物都有限高制度。想感受古都文化，咁就事唔宜遲，立即開啟京都5日遊攻略！

 

京都住邊好

 

京都住邊好？京都自由行嘅酒店住宿，你可以選擇酒店嘅集中地：中京區、下京區、東山區等，如果你想有機會同當地人一齊交流體驗日本生活，可以入住京都民宿，都幾盞鬼！

 

京都酒店優惠代碼下載

 

Hotels.com 酒店網爲你推介1,575間最熱門嘅京都酒店。仲可以下載 Hotels.com 優惠代碼，立即預訂酒店開展京都自由行攻略。

 

第一天

 

必去：衹園花見小路→八坂神社

 

想體驗京都風味就要到衹園一帶，呢度歷史遺留下來嘅建築，都充滿住古典嘅氣息。仲可以到以藝妓而聞名嘅花見小路，隨處可見穿梭喺街巷嘅藝妓，依著打扮都係傳統和服裝扮。另外，你可以喺呢度嘅酒館，邊食邊睇藝妓表演都係唔錯嘅選擇。

 

想事事順風順水，可以到衹園附近嘅八坂神社。神社已有上千年歷史，建築結構仍然固若金湯。喺本殿掛有搖鈴，你只要搖響掛鈴就可以祈求消災解難、有求必應。

 

第二天

 

必去：二條城→京都御園→錦市場

 

第二日可以到京都必去嘅城堡二條城，秋天時分遍地銀杏，簡直艷絕全城！裡面有多個歷史悠久嘅御殿，其中以二之丸御殿最為出名。二之丸御殿嘅設計，不但充分表現咗一流嘅建築設計，內部裝飾亦精美絕倫。交通：二條城前站

 

附近嘅京都御園亦都唔輸蝕，曾經係天皇嘅宮殿。呢度以小碎石鋪路，到處綠草茵茵同古色古香嘅宮殿配合得天衣無縫。御園仲係賞櫻名勝，係遊客打卡留影嘅京都景點。京都必食推介你到有「京都廚房」之稱嘅錦市場。無論係蔬果菜肉、生猛海鮮定係漬物和菓子，包羅萬有，不失為京都自由行嘅好去處。交通：地鐵四條站

 

第三天

 

必去：伏見稻荷大社→東寺→京都塔

 

日本共有三萬幾座稻荷神社，但總本社就係京都嘅伏見稻荷大社。呢座神社嘅熱門程度簡直男女老幼全通吃，據說喺呢度祈福嘅善信都有求必應！交通：稻荷站。

 

日本現存少有嘅木造古寺東寺，係著名嘅世界文化遺產。尤其係嗰五重塔，造工精緻，足以令你驚歎古人嘅建造力。晚飯過後，一於到京都塔欣賞靚景。京都現代化建築都有限高制度，而京都塔就例外，喺展望台欣賞整座城市嘅璀璨夜景，簡直浪漫爆。交通：京都車站。

 

第四天

 

必去：渡月橋→天龍寺→嵯峨野

 

嵐山必去地標渡月橋，喺橋中漫步可欣賞保律川同大堰川嘅浩瀚風景，附近仲有京都必食嘅櫻花麻糬，最啱就係搭配抹茶來食。以嵐山和龜山為背景嘅天龍寺，除咗睇到歷史建築外，仲可以欣賞到四季唔同風景嘅迴游式庭園，尤其喺秋楓滿園，簡直鬼火咁靚！

 

附近嘅嵯峨野竹林小道，沿路兩邊種有茂密嘅竹林，為夏日帶來清涼嘅感覺，冬天嘅晚上仲會點著燈光，名為「嵐山花燈路」，十分浪漫。最後，你仲可以乘搭小火車到達龜岡市，特別喺半開放嘅車卡中欣賞沿途風景，會有意想唔到嘅視覺效果。交通：地鐵嵐山站

 

第五天

 

必逛：京都車站

 

京都旅遊嘅最後一日，相信你一定意猶未盡，咁就要去京都車站瘋狂 shopping。呢度嘅大型百貨商店各種必買手信包羅萬有。仲有京都必食嘅拉麵之最拉麵小路，咁你就可以一次過食到日本多地嘅著名拉麵！

 

京都必食推介

 

• 抹茶：多種抹茶製成嘅甜品，享譽全日本
• 新鮮雞刺身：用最新鮮嘅雞肉炮製成口味獨特嘅料理
• 燒肉放題：鮮嫩和牛抵食夾大件，包你滿足
 

京都必買推介

 

• 龍角散：係有多種水果口味嘅草藥粉末，具有多種滋潤喉嚨嘅功效
• 茶菓：北山茶菓係一種綠茶餅夾住白朱古力嘅食品，香滑美味。
• 黑珍珠：嚟自 PABLO 人氣蛋糕店嘅朱古力餅，係京都必買手信
 

京都交通貼士

 

係出發之前最好配備一張京都觀光1/2日交通通票，可以規定嘅時間內無限次數搭巴士、地鐵。咁優惠嘅車券通票喺各大地鐵站同巴士站有售。