卡塔爾最值得買嘅 10 款得意手信

阿薩杜係一種由駱駝同山羊毛製成嘅手織工藝品，係卡塔爾遊客可以買嘅最傳統嘅紀念品之一。呢種織法係屬於遊牧嘅貝都因部落，佢哋已經用呢種刺繡技術幾千年，用嚟製作帳篷、 地氈、氈同咕𠱸。

呢樣紡織品傳統上嘅顏色係黑色、白色、啡色、米色同紅色，有特別嘅幾何設計同圖案，象徵住部落豐富嘅文化遺產同沙漠環境。去到瓦基夫市集嘅濱海大道尾段，你就會見到有間鋪頭賣唔同嘅阿薩杜紡織品。

阿拉伯咖啡壺係最能夠代表阿拉伯熱情好客嘅紀念品，係由黃銅或者銀製成嘅傳統阿拉伯咖啡壺。喺卡塔爾咖啡傳統文化裡面，幾個市集以嚟係會沖一杯用豆蔻製成濃郁辛辣嘅阿拉伯咖啡嚟歡迎客人，又叫做 卡侯瓦 (qahwa)。呢杯有啲苦嘅咖啡喺用叫做 finjaan 嘅配搭迷你金屬杯嚟飲嘅。

阿拉伯咖啡壺除咗可以用嚟飲咖啡，仲好適合做擺設，因為佢係用幾何雕刻甚至寶石裝飾得好精緻。所以，無論你鍾唔鍾意飲咖啡，傳統嘅咖啡壺都係你屋企嘅完美裝飾。你可以喺瓦基夫市集、市中心同 Royal Plaza 嘅大多數酒店禮品鋪頭同紀念品鋪頭搵到佢哋。

呢啲保暖又柔軟嘅披肩同圍巾喺由細緻嘅羊絨毛織成，非常適合帶去旅行或者露營、當沙灘墊，或者出席特別晚餐，想打扮吓嘅時候都喺非常好嘅配飾。

卡塔爾嘅羊絨價格非常相宜，有好多種顏色、圖案和質素可以選擇。佢哋又輕身，又可以摺得好細，買多幾款做手信都得！唯一要煩惱嘅喺決定買咩顏色。喺多哈嘅 Al Khaleej 街嘅孟買絲綢中心 (Bombay Silk Center) 同埋喺 Bin Mehmood 嘅東方地氈公司 (Oriental Carpet Company) 係當地人買優質羊絨嘅最受歡迎地方。你可以喺瓦基夫市集 (Souq Waqif) 搵到更平嘅同類產品。

喺市集、商場同咖啡廳，你都可以品嚐到卡塔爾同中東特有嘅各種傳統甜點同甜品。周圍都搵到用葡萄糖漿同開心果餡整嘅玫瑰味糖，用芝麻裝飾嘅甜餃子，同埋一直都好受歡迎嘅果仁蜜餅。

你仲可以搵到天然蜂蜜、當地種植嘅棗同各種果仁。棗有分唔同顏色、大細同甜度，佢哋喺卡塔爾文化上好重要，因為佢哋喺斋月期間開齋用嘅。你可以揀用包滿朱古力嘅棗，仲有果仁餡棗、用椰子或者阿拉伯咖啡卷住嘅棗。試試喺多哈 Salwa 路嘅Al Aker Sweets，或者如果你想買再特別啲嘅棗，可以去瓦基夫市集嘅 Fal Elkhair Dried Dates Shop。

沉香係卡塔爾嘅傳統香味，無論你去到邊，屋裡面或者車上，甚至係市集、酒店同商場，你都會聞到呢種特別嘅香味。沉香喺由稀有嘅沉香樹嘅樹脂提取製成，沉香木又被稱為「眾神之木」。

雖然你可以買到沉香嘅唔同形式，但最常見嘅係用嚟燒嘅木片同身體油，同埋都好值得買返支沉香香水。當你試每一款沉香香水嗰陣，都會感受到非常特別嘅奢華阿拉伯香味刺激你嘅感官。瓦基夫市集嘅 Ajmal Perfumes 專賣當地製造嘅香水，你亦都會喺唔同嘅商場搵到香水鋪頭，例如市中心商場、海逸廣場 (Hyatt Plaza) 同皇家廣場 (Royal Plaza)。

一個用阿拉伯文寫住你個名嘅個人專屬吊墜，絕對喺你卡塔爾之旅嘅最佳紀念品。多哈有好多珠寶店都會製作呢啲紀念品，買嘅時候可以放心，呢度所有賣嘅金飾都有政府印花，證明金飾嘅純度。仲可以買琥珀、白金、銀或鉑金製成嘅珠寶，亦都可以選擇半寶石，獎勵下自己。

如果你心目中有具體嘅設計，大部分珠寶商都好樂意同你一齊創作。建議可以行吓瓦基夫市集隔離嘅黃金市集。卡塔爾喺世界珍珠之都，歡迎去 Pearl Man，呢間鋪頭就係 Rumailah 嘅 Al Bida 公園，海濱大道對面。

除咗買當地嘅香水之外，你仲可以喺卡塔爾買到唔同嘅線香同埋有特別裝飾嘅傳統香爐。有好多種唔同嘅香味任你揀，所以可能要落啲時間去搵你最鍾意嘅味道。

濃郁、鎮靜嘅乳香係比較受歡迎嘅香味選擇。另一樣值得買嘅係焚香 (bakhoor)，一種充滿異國情調、香味濃郁嘅沉香纖維波，混合咗琥珀、檀香、花粉、燕麥同白麝香等香油。就算你唔鍾意燒香，個香爐本身都係一個可以放喺屋企嘅精緻紀念品。中央市集後面嘅瓦基夫市集同阿曼市集可以搵到呢啲產品。

長身、細緻同外表吸引嘅裝飾水煙管，非常適合用做走廊或客廳嘅裝飾。亦都非常適合用嚟同其他人打開話題。食水煙係中東嘅經典消遣活動，呢樣同當地嘅卡塔爾文化有好大關係。呢啲水煙管又叫做 hookah，喺當地家庭、餐廳、派對同埋專門水煙酒廊都可以見到。

你可以係卡塔爾唔同地方買到唔同類型嘅水煙管，有唔同大細、圖案同顏色。無論你食唔食煙，裝飾得好靚嘅水煙管都係相當正宗同埋色彩繽紛嘅卡塔爾紀念品。你甚至可以為自己或者摯愛度身訂造一個。瓦基夫市集就有好多水煙管選擇，而大部分賣香水嘅店舖通常都會賣水煙。

阿拉伯裝飾木盒喺遊覽卡塔爾時必買嘅紀念品。呢啲裝飾木盒可以好輕易擺入行李箱，仲可以喺屋企周圍放，用嚟擺放珠寶同其他小物，同時係完美嘅手信之選。

呢啲精美手工盒係用木材製成，有唔同嘅形狀同大細。傳統款式裝飾有細緻嘅圖案，佢哋係由黃銅甚至係駱駝骨製成嘅，仲鑲嵌有金屬或珍珠。你可以喺好多市集同埋喺商場，例如多哈市中心商場同皇家廣場搵到佢哋嘅蹤影。哈馬德國際機場嘅卡塔爾免稅店都有得買，係你嘅最後購買機會。

阿拉伯燈非常華麗，可以為任何個人空間帶嚟夢幻同神奇嘅感覺，呢一點個個都會認同。呢度有好多獨特嘅阿拉伯燈設計可以揀，每款都用鮮艷嘅玻璃製成、有精緻嘅圖案同優雅嘅形狀。

細啲嘅掛燈價錢相對比較平，同埋容易帶返屋企，但係你可能會想買一個有金屬底座嘅華麗天鵝頸檯燈。無論你揀咩款式，所有燈都好細緻，所以要小心包裝，最好將佢哋放入手提行李入面。你可以係瓦基夫市集搵到好多呢啲經典嘅燈，周圍都有得賣。