比利時

比利時嘅歷史、文化活動多籮籮，令人差啲唔記得咗原來佢係一個咁細嘅國家。作為歐盟發源地，比利時呢個國際都會個性鮮明，劃分為法語區同荷蘭語區，為各個主要城市增添獨特嘅地區色彩。首都布魯塞爾擁有奇妙嘅建築，當中大廣場 (Grand Place) 係全歐洲最靚嘅中央廣場之一。

喺比利時食飯，每一個 moment 都值得好好珍惜，無論置身全國各地邊一間小餐館同餐廳裡面，你都可以食到淡菜薯條 (Moules et Frites)，當然唔少得比利時窩夫、手工朱古力等等嘅地道名物，仲有精釀啤酒啦！

比利時玩樂推介

精選指南及趣聞

布魯塞爾係比利時嘅首都，極具比利時特色，到處都係裝飾藝術風格嘅小酒館、別具一格嘅佛蘭德藝術、高聳嘅哥德式大教堂，同埋古樸嘅公會房屋。市內一年四季舉辦各式各樣嘅活動，仲有開滿鮮花嘅公園、建築古蹟、歷史文化同藝術，等你一一探索；再加上著名嘅比利時朱古力同埋數之不盡嘅本地啤酒，肯定令你大飽口福！ 布魯塞爾有一座 19 世紀購物廊，係歐洲數一數二嘅「血拚」天堂，裡面雲集一系列高檔名牌，其中一啲品牌仲曾經為比利時王室設計服裝添！市中心嘅鵝卵石小路兩邊林立米芝蓮星級餐廳，亦都有裝飾藝術風格嘅木嵌板餐館。歡迎參考我哋嘅布魯塞爾旅遊指南，睇清楚不容錯過嘅飲食好去處同歷史景點，盡情享受一段充實假期！ 布魯塞爾最好玩嘅活動係乜嘢？閱讀更多資訊