台灣 15 大美食佳餚

蠔仔麵線台灣叫做「蚵仔麵線」，一般做法係將麵條放入湯羹裡面煮熟，然後係麵線上面加入新鮮蠔仔。雖然好多人認為應該用筷子食呢種半透明嘅麵線，其實單手攞起湯匙畢嚟食仲方便！走入夜市，你會見識到不同款式嘅蠔仔麵線，多數都裝係細發泡膠碗裡面，俾埋膠匙你方便即買即食。

台式鹽酥雞就咁睇好似普通炸雞，其實係好味到不得了嘅街頭小食！店主會將炸好嘅雞肉切成一啖 size 嘅雞塊，再灑上各種調味粉，鍾意食辣嘅話，可以要求加多啲辣椒粉，夠哂惹味醒神。

凍芒果西米露口感清新，滋味無窮，係台灣夜市和路邊攤檔經常都見到。呢款甜品嘅製作方法好簡單，只要將調味後嘅刨冰放入碗裡面，再係上面放滿鮮味多汁嘅金黃色芒果、甜西米和其他水果就大功告成。有啲人仲會係刨冰上面淋上鮮果糖漿或其他醬汁，增加風味。

蚵仔煎係台灣必食嘅街頭小食之一，好多旅客係台灣期間，至少都要食半打，蚵仔煎可以話係邪惡美食，好味到令人停唔到口。蚵仔煎一般做法係用好多隻雞蛋，混合蠔仔、麵粉、薯粉和其他配料煎成完美蛋餅，然後淋啲淡醬汁就可以上枱。有啲人鍾意配搭辣醬一齊食，更加辛辣惹味！

台灣珍珠奶茶熱潮風靡亞洲大小角落，甚至衝出亞洲紅遍全球！「珍珠」其實係用麵粉和啫喱製成，台式飲品店賣嘅珍珠奶茶口味好多元化，有時仲會加入切粒生果。去台灣夜市掃街，不妨買杯珍珠奶茶解渴兼幫助消化。

滷肉夾包又叫「刈包」，係好受歡迎嘅台式小食，好多人更形容佢做「台灣漢堡包」！刈包口感鬆軟，食落似厚身嘅彼得包，裡面夾滿左豬肉和蔬菜，最啱忙著做野嘅人攞嚟頂肚餓。

火鍋被視為家常菜，啱哂一大班人一齊圍爐大飲大食，好多台灣人更認為圍爐食火鍋有助增進感情。火鍋可以放入好多配料，例如肉類、蔬菜、海鮮等，將所有配料放入清湯煮熟後，就可以配白飯嚟食。

台灣人叫肉餃子做「肉圓」，只要食一粒，你就會上癮係咁食。肉圓可以用油炸或清蒸方式煮熟，通常係街邊攤檔和夜市都買得到；你仲可以要求舖頭將肉圓切成細塊，然後蘸上甜辣醬一齊食。

台式稀粥通常配以皮蛋、鹹蛋和豬肉鬆一齊食，清淡可口，可以當早餐或晚餐黎食。

冰糖葫蘆鮮果棒深受大人和小朋友歡迎，佢地外型七彩繽紛，係夜市之中非常搶眼！只要用香脆焦糖衣，包著士多啤梨、提子和奇異果等新鮮生果，然後插入竹枝中，就整好呢款簡單好味嘅小食。

愛玉果凍係主要產自台灣嘅人氣甜品，可配搭刨冰、鮮搾青檸汁甚或生果，炮製出涼浸浸嘅甜品，口味酸酸甜甜，清新醒胃，同時仲解渴添。

台式醉雞通常都會加入紹興酒調味，部分餐廳更會用大量香草和香料，口味配搭得天衣無縫，啱哂注重健康、唔鍾意食油炸街頭小食嘅人。

牛肉麵係台灣嘅熱門主食，可以配搭辣湯或清湯，對於唔食辣嘅人士，係唔錯嘅選擇。牛肉經過醃製燜煮，非常嫩滑，風味獨特。

台灣夜市幾乎都有賣臭豆腐，店主會將發酵過嘅豆腐煎香，再淋上甜辣醬，唔好睇少臭豆腐嘅魅力，有啲攤檔要排隊買臭豆腐㗎。

夜晚落雨，最啱食返碗紅蟳粥，除左大型餐廳之外，呢款粥通常可以係市郊或小村莊買到，價格仲好親民添！餐廳嘅紅蟳粥配料一般都好豐富，不過價錢都要貴啲。