台南
出發前須知
台南係台灣嘅老城區之一，喺寶島南面，既係旅遊勝地，亦好適合居住。呢座城市有時叫做「鳳凰之城」，因為佢嘅歷史好似隻鳳凰，不斷重生，為自己重新定位。台南舊時叫做「大員」，相傳呢度正正就係「台灣」呢個名嘅起源。
台南市建喺 1665 年左右，因為坐擁古老嘅儒家學塾同寺廟，所以有「台灣文化之都」嘅稱號；市內仲有另外幾座歷史建築，包括古城門遺跡。另一方面，台南嘅夜市同地道小食亦都遠近馳名，舉凡擔擔麵、蚵仔麵線、蚵仔煎、狀元糕同台南「棺材板」，統統都會令你食過返尋味！
台南玩樂推介
精選指南及趣聞
台南面積雖然唔大，但就非常受歡迎，而且有歷史價值嘅旅遊勝地。貴為台灣島上最古老嘅城市，台南以傳統生活風情、宏偉堡壘，同埋 500 多間道教同佛教寺廟出晒名；市內另外仲有唔少公園、海灘同活動場所，畀你同家人可以一齊好開心咁玩下。 台南曾經連續受過幾場災難破壞，之後浴火重生，所以有「鳳凰之城」嘅美譽；但係呢，咁亦代表一啲「古代」遺跡曾經被夷為平地，之後經過重建，尤其係瑰麗嘅寺廟就更加係咁樣—其中，開基天后宮呢類正宗嘅古蹟都曾經受到破損，但每次「重生」都充分重現咗原有古老嘅外貌同魅力。閱讀更多資訊
台南 14 大最好玩嘅活動
台南面積雖然唔大，但就非常受歡迎，而且有歷史價值嘅旅遊勝地。貴為台灣島上最古老嘅城市，台南以傳統生活風情、宏偉堡壘，同埋 500 多間道教同佛教寺廟出晒名；市內另外仲有唔少公園、海灘同活動場所，畀你同家人可以一齊好開心咁玩下。 台南曾經連續受過幾場災難破壞，之後浴火重生，所以有「鳳凰之城」嘅美譽；但係呢，咁亦代表一啲「古代」遺跡曾經被夷為平地，之後經過重建，尤其係瑰麗嘅寺廟就更加係咁樣—其中，開基天后宮呢類正宗嘅古蹟都曾經受到破損，但每次「重生」都充分重現咗原有古老嘅外貌同魅力。
台南購物推介
台南 6 大最正購物好去處
台南係得意嘅購物熱點，佔地相對細，各種平靚正嘅夜市同高級百貨商店都喺左近，部分主要街道同區域更係購物天堂，而且幾乎每座建築物裡面都開咗舖頭或商場。如果某座建築物唔係直銷零售店，咁通常就係餐廳啦—購物狂歡果時，你可以喺餐廳大樓裡面休息一下，回復體力之後再「血拚」過！ 台南市內每區都有獨特嘅氣氛，地道風情到奢華格調嘜都有齊，傳統同現代結合埋一齊，古樸同優雅集於一身。身處喺台南，你未必可以搵到台北有嘅各種商品，市內最繁榮嘅商場都比唔上台北果啲，但就勝在價錢平好多。
台南夜生活推介
台南 5 大最正夜生活熱點
同台北相比，台南嘅夜生活比較單調，但仍然好有樂趣。如果你想享受簡單嘅街頭夜生活，海安路就係唔錯嘅起點—這裡的人行道非當寬闊，而街上的餐廳和酒吧都會充分善用空間，讓你在戶外品嚐啤酒及燒烤。 說起台南文化，又怎能不提夜市呢？夜市正是台灣城市的心臟和靈魂！喺呢度漫步，無論係 T 恤、服裝首飾、銀包，甚至糕點、糖果同冰鎮飲品等等真係嘜都有；而且，同市內啲舖頭同餐廳比，夜市嘅大部分商品同食品都要平好多。
實用資料
台南資訊
台南市喺台灣係歷史最悠久—荷蘭統治台灣嘅時代結束後，台南就成為咗呢個島嘅行政中心，由 1662 年到 1887 年一直都係咁；到咗 20 世紀初，日本人大力推動台南都市重建同規劃，先至令到呢個城市由當時起發展成為歷史色彩好濃厚嘅旅遊勝地。 按照亞洲城市標準嚟講，台南規模較細，但同時保留咗小鎮風情，而呢個亦係台北人將台南視為「農村」嘅原因。宜家，呢座城市以其寺廟、堡壘、「古早味」小食同傳統生活方式全世界出名—根據數據顯示，台南市內有 500 多間道教同佛教寺廟，統統保存得好好，反映咗呢個城市以前點樣風光。