台南資訊

台南屬於亞熱帶氣候，冬季乾燥和暖，降雨量唔多，又以 11 月、12 月、3 月同 4 月為最佳觀光時節。每年 1 月至 2 月，台南嘅溫度通常會降至 10°C 以下，請務必帶備大量保溫衣服，又或者考慮重新安排行程。

另一方面，台南喺 5 月至 6 月就會踏入夏季，炎熱潮濕，夏日氣候一直持續到 10 月中旬，全季暴雨連連，亦經常有颱風喺附近形成，可能會嚴重影響你嘅旅遊行程。

台南公共交通唔算方便，市內極少巴士，亦無捷運系統，而且的士只會喺全市最繁忙嘅地區行駛。如果你唔識講國語，遊覽台南未必係一件易事，

咁就不妨租架車，盡享私人觀光行程啦！如果你持有駕駛執照，租用電單車嘅費用每日只需 NT$400，實惠又實用！喺台南開車，務必格外小心—根據當地駕駛法例，如果你不慎喺行車期間傷及途人，必須賠償全額醫療復康費用。