高雄
出發前須知
高雄係台灣最大、最繁忙嘅地區之一，亦係島上經濟中心，呢個城市環繞港口建設，宜家用超快嘅速度發展購物及用餐文化，同台北爭做一哥。高雄市中心嘅摩天大樓越嚟越高，亦吸引越嚟越多人嚟到，探索市內嘅歷史同文化瑰寶。
如果要講高雄主要景點，愛河一定榜上有名。呢條河流亦叫做「高雄嘅泰晤士河」，呢條河喺鎮裡面咁流，超過 12 公里，經過唔少迷人嘅 Café、購物區同觀光景點。同時，區內嘅活動亦超多，由購物、歷險到得意美食等等，畀你玩個痛快！
高雄玩樂推介
精選指南及趣聞
高雄係台灣第二大城市，擁有精彩嘅歷史同埋充滿活力嘅未來，佢嘅起源遠到明朝果時，仲係島上最古老嘅城市之一。遊覽高雄，絕對唔可以錯過呢啲古蹟景點！ 高雄環繞源遠流長嘅港口而建，呢個港口係 17 世紀荷蘭人嘅重要設施，慢慢發展成為今日嘅主要國際貿易港，水道延伸到市內，而愛河就係當地最獨特嘅星級景點。閱讀更多資訊
高雄 9 大最好玩嘅活動
高雄係台灣第二大城市，擁有精彩嘅歷史同埋充滿活力嘅未來，佢嘅起源遠到明朝果時，仲係島上最古老嘅城市之一。遊覽高雄，絕對唔可以錯過呢啲古蹟景點！ 高雄環繞源遠流長嘅港口而建，呢個港口係 17 世紀荷蘭人嘅重要設施，慢慢發展成為今日嘅主要國際貿易港，水道延伸到市內，而愛河就係當地最獨特嘅星級景點。
高雄購物推介
高雄 5 大最正購物商場
高雄購物體驗可以媲美台北，都係令人興奮，商場同市場應有盡有，任君選擇。好似台灣各地咁，夜市就係呢度嘅焦點好去處，有大量平靚正商品同街頭小食，等你發掘！高雄部分巿場只會好專咁賣一種產品，所以如果你想有更多同類選擇，只要搵啱巿場，就一定可以搵到心水商品。 另一方面，呢個南部城市亦有亞洲其中一個最大型購物中心—貴為市內星級景點，呢個購物中心提供各種娛樂選擇，你喺購物狂歡之餘，仲可以投入各種好玩節目裡 面。高雄周圍有唔少小型商場，喺附近街道形成購物區，亦係相當好行。
高雄夜生活推介
高雄 5 大最正夜生活熱點
高雄擁有各式各樣嘅酒吧、的士高同夜總會，鍾意派對狂歡嘅旅客就一定唔可以錯過。要享受最正嘅時光，當然要清楚呢啲派對喺邊度舉行。所以我哋專登為你搜羅咗全城最人氣爆燈嘅「蒲點」，等你盡情狂歡。 高雄嘅夜生活同台北好似，喺一啲好受歡迎嘅夜店裡面，你一樣會見到名人喺好精緻嘅吧枱旁邊品嚐下雞尾酒，仲有出名嘅 DJ 喺台上打碟。而且，呢度唔只有高級夜店，亦有好多實惠選擇，適合想喺夜晚「Chill 一下」嘅人。
實用資料
高雄資訊
高雄係台灣最重要嘅城市之一，喺正西南部，擁有 11 個地區，人口密集。自從高雄喺 2009 年舉辦世界運動會，接待 105 個國家/地區總共 4,800 個運動員嚟參賽後，就變得更加出名。呢個城市全日都陽光普照，夜晚仲有無數「大排檔」同夜市，等你嚟光臨。 市內被人叫做台灣「海港之都」嘅高雄港係世界第六大貨運港，固然亦都係全台灣最大嘅貨運海港；而高雄國際機場就係台灣第二大機場，開辦咗唔少重要嘅國際航班。