高雄 5 大最正夜生活熱點

高雄擁有各式各樣嘅酒吧、的士高同夜總會，鍾意派對狂歡嘅旅客就一定唔可以錯過。要享受最正嘅時光，當然要清楚呢啲派對喺邊度舉行。所以我哋專登為你搜羅咗全城最人氣爆燈嘅「蒲點」，等你盡情狂歡。

高雄嘅夜生活同台北好似，喺一啲好受歡迎嘅夜店裡面，你一樣會見到名人喺好精緻嘅吧枱旁邊品嚐下雞尾酒，仲有出名嘅 DJ 喺台上打碟。而且，呢度唔只有高級夜店，亦有好多實惠選擇，適合想喺夜晚「Chill 一下」嘅人。

高雄酒店

1. 城市光廊

推介： 晚間娛樂

城市光廊集公共空間、藝術展覽和夜店於一身—日間，呢度係相對安靜嘅都會公園；入夜後，整區亮起華燈，有眾多樂隊即席表演，咖啡廳都變得人頭湧湧，熱鬧萬分！當地人會同遊客共度美好時光，喺攤檔裡享用美食—當中又以海鮮最為聞名，不得不試。

位置： 801 台灣高雄市前進區中華三路 6 號

2. 紅磚地窖 (Brickyard) 夜店

推介： 晚間娛樂, 團體

要數紅磚地窖 (Brickyard) 最有名嘅地方，莫過於店內嘅現場音樂同「夜蒲」主題之夜—呢間店將星期三定為學生同女士之夜，星期四專為同性戀人士而設，而星期五就係拉丁之夜。一如所料，呢間夜店吸引來自五湖四海嘅各路客群，活力滿載亦係市內多數外籍人士嘅首選玩樂場地。

店舖每晚都設入場費，包第一杯飲品，收費合理。以夜店而言，紅磚地窖嘅食物質素算係很高，呢點的確出乎意料！

位置： 801 台灣高雄市前金區中華二路 507 號

開放時間： 星期三至星期六 21:00 至深夜

電話： +886 (0)7 215 0024

3. 藍博學院 (Lamp) 夜店

推介： 晚間娛樂

藍博學院 (Lamp Disco) 係一間豪華夜店，位於高雄市中心 85 大樓附近，雖然入場費略高，但店內氛圍同音樂一流，故面積廣達 1,200 平方米嘅舞池幾乎每晚都人頭湧湧。國際知名 DJ 不時應邀前嚟登台，同活力四射嘅舞者合作無間，帶動熱烈氣氛。

位置： 802 台灣高雄市苓雅區自強三路 42 號 3 樓

開放時間： 星期三至星期日 22:00 至深夜 (星期一、星期二休息)

電話： +886 (0)7 269 6527

4. 酒鬼 (Lush) 酒吧

推介： 晚間娛樂, 豪華住宿

酒鬼 (Lush) 係一間高級酒吧，每一角落都令人倍感放鬆，店內擺放了很多舒適豪華嘅梳化，你可以喺柔和燈光下，享受美妙音樂和美酒佳餚。如果你想同朋友輕鬆「Hea 下」，呢度正係你喺高雄嘅必到之處！

位置： 800 台灣高雄市新興區中山一路 14-25 號

開放時間： 每日 21:00 至 05:00

電話： +886 (0)7 221 8865

5. Barcode 酒吧

推介： 晚間娛樂

Barcode 係高雄最時尚嘅酒吧之一，各方面都達到高檔店舖級數，店內設有 2 個 DJ 台、出色音響系統與酒廊，並有售頂級雞尾酒，難怪唔少明星都鐘意嚟呢度幫襯。呢度出名對穿裝要求嚴格—到店之前，記得落力「裝身」！

要數 Barcode 最引人入勝之處，店舖嘅音樂品味定必榜上有名—DJ 會選擇最佳經典浩室、迷幻爵士、Funk，新浪潮等音樂，讓你隨節拍起舞。此外，這裡亦經常邀請客席 DJ 表演，且全年都有舉辦「特別派對之夜」，不容錯過！

位置： 813 台灣高雄市左營區汶上路 38 號

開放時間： 每日 21:00 至 03:00

電話： +886 (0)918 859 085

此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。