台北十大最好旅程
精彩旅程好主意，助你探索台北
1. 台北市精華遊
遊覽需時：3 小時
推介： 伴侶, 家庭, 歷史文化, 拍照
遊覽完台北幾個熱門景點，就可以快速咁認識呢座城市同埋佢喺中國歷史上嘅獨特地位。參觀自由廣場嘅時候，你可以睇到國立中正紀念堂嘅儀隊交接儀式；之後前往紀念革命烈士嘅忠烈祠參觀紀念碑。最後一站係參觀故宮博物院，呢度展出世界上最精美嘅中國文物收藏之一。
2. 台北夜景遊兼鼎泰豐晚餐
遊覽需時：3 小時 50 分鐘
推介： 伴侶, 歷史文化, 拍照, 美食, 晚間娛樂
在台灣最有名嘅餐廳之一用餐，兼欣賞台北燈色燦爛嘅夜景。你嘅導遊會帶你去參觀歷史悠久、設計精美絕倫嘅龍山寺，然後喺蛇街漫步，感受台北市最古老夜市嘅氣氛。然後去鼎泰豐品嚐令呢間餐館舉世知名嘅小籠飽。
3. 台北 101 觀景台
遊覽需時：1 小時多
推介： 伴侶, 家庭, 歷史文化, 拍照
從世界上其中一座最高嘅建築欣賞風景，飽覽台北市整個地貌。這座台北市地標嘅摩天大廈較周圍建築高出四分之一英里，為你提供真正嘅無敵全景。大廈內有世界上最快嘅電梯之一，可以喺 37 秒內將你送到超過 383 公尺高處。觀景台有強勁望遠鏡可遠眺周圍景色，你仲可以觀摩一座專為穩定大廈而設嘅鐘擺巨型抗風減震器，並且細賞介紹這座宏偉建築嘅一系列展品。 閱讀更多資訊
4. 士林和北投徒步私人導嘗遊
遊覽需時：8 小時
推介： 伴侶, 家庭, 歷史文化, 拍照, 美食
行程結合士林嘅美味糕點文化，同埋北投熱氣騰騰嘅溫泉，更會到台北北部風景名勝區漫步。第一站係參觀郭元益糕餅博物館，你可以係呢度嘗試親手製作台灣鳳梨酥，然後去北投溫泉博物館，了解一下呢處著名嘅溫泉池背後嘅故事。當然，你亦可以探索青蔥鬱綠嘅北投公園，同埋參觀溫泉度假村，享受在温泉浴中放鬆身心。
5. 九份村和東北海岸之旅
遊覽需時：4 小時
推介： 伴侶, 家庭, 歷史文化, 拍照
沿著滿佈岩石嘅海岸去到台北市外不遠嘅山區，會睇到台灣島完全唔同嘅另一面。前往座落於山坡上嘅九份村途中，不妨停下嚟觀賞沿岸由砂岩同珊瑚形成、奇形怪狀嘅岩石結構。抵達九份嘅時候就可遊覽著名嘅有蓋市場，同埋欣賞獨特景色。一邊品嚐茉莉花茶，一邊欣賞風景，據說電影《千與千尋》裡面嘅神秘景致就喺從呢處取得靈感。
6. 七星山遠足
遊覽需時：7 小時
攀登台北最高嘅山峰，沿途穿越鬱蔥嘅山嶺，同埋飽受強風肆虐嘅荒野，仲可以俯瞰台北景致。呢個睡火山位於陽明山國家公園嘅中心地帶，最高海拔 1,120 公尺，比台北 101 嘅尖頂仲要高得多，四周有樹林、滿佈高聳竹樹嘅田野，同埋豐富而多姿多采嘅野生生物。登山途中，可睇到熱氣騰騰嘅火山噴氣孔，仲有日式浴場。到達山頂後，就可以欣賞到台北市景色，同埋遠處嘅海洋美景。
7. 貓空纜車和品茶之旅
遊覽需時：9 小時
推介： 伴侶, 家庭, 歷史文化, 拍照
進入貓空山嘅絕妙旅程會帶你進入台灣產茶業嘅中心點，你仲可以品嚐各款靚茶。你可以參觀島上最大嘅茶園之一，欣賞遼闊嘅梯田同埋千島湖蜿蜒嘅岸邊，仲可以參觀古舊嘅茶館，學識點樣浸泡一壺完美嘅靚茶。最後乘坐貓空纜車結束開心嘅一天，喺登上最高峰嘅途中，可以欣賞到絕妙嘅壯麗風景。
8. 探索客家文化之旅
遊覽需時：9 小時
推介： 伴侶, 家庭, 歷史文化, 拍照, 美食
參加呢個台灣客家文化之旅，你會認識到傳統美食、靚茶同埋熱情好客嘅民風。行程中會參觀台灣最大嘅傳統客家市場，沿著北埔老街觀光同品嚐美食，仲可以親手試做製傳統擂茶，了解台灣第二大族裔背後嘅獨特故事。最後嘅節目係親手摘時令水果，仲可以帶些台灣本土風味食品返回酒店。
9. 萬華區和剝皮寮老街私人導賞遊
遊覽需時：4 小時 30 分鐘
推介： 伴侶, 家庭, 歷史文化, 拍照
這趟旅程會帶你穿越台灣一啲歷史最悠久嘅地區，行程重點係古老嘅地標同埋著名嘅旅遊勝地。你嘅私人嚮導會帶你參觀昔日城中最富有嘅家庭之一嘅莊園 (現在已變成星巴克店)，還有一座 18 世紀嘅廟宇，仲會去到剝皮寮老街，看看街道兩旁歷史可追溯到清朝、但保存完好嘅建築。之後去一家專賣本地美食已有 60 多年歷史嘅餐廳用餐，並且追憶一下呢個城市所經歷過嘅變遷。
10. 夜市之旅
遊覽需時：2 小時
推介： 伴侶, 家庭, 美食, 晚間娛樂
去到熱鬧繁華嘅寧夏夜市，貼地了解台北嘅最佳美食。呢個行程會為你提供一個專業嚮導，可以帶著你喺人群中穿插，仲會喺衆多間咖啡館同埋攤檔之中搵到味道最好嘅帶你去試。從新鮮海鮮到甜芋圓，你會嚐到多采多姿、令你畢生難忘嘅各款台灣美食。
此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。