台灣吃貨

台灣餐廳喺亞洲越嚟越受歡迎，部分始於後巷嘅小店更蜚聲海外，化身國際特許經營店。環顧此島，幾乎每個角落都搵到餐廳，售賣各式麵條或配飯菜餚；而熱湯麵嘅款式包羅萬有，令人垂涎欲滴，你可以食返碗熱辣辣嘅新竹米粉、幼身嘅南投湯麵，或者一大鍋熱湯手工刀削麵。

台北匯聚世界各地嘅餐飲美食，提供唔少別具創意嘅精緻餐飲選擇；而小鎮同偏僻縣市雖較難搵到西式餐廳，但當地特產都非常豐富，特別係嚟到夜市，遊客定可以大飽口福，著名嘅台灣必食名物包括蚵仔煎、花枝羹、蒸餃子同煎餃子。