台灣夜生活

台灣嘅夜生活熱點主要集中喺台北—夜幕低垂，台北嘅觀光玩樂選擇多不勝數，絕對可以玩個痛快，市內有不少國際級水準嘅酒館、酒吧同夜店；而卡拉 OK 就特別受當地人歡迎。

台灣夜市都相當出名，無論身在台北定係偏遠縣市，夜市同樣熱鬧，貨品款式林林種種，食品、小飾品、時裝同首飾都一應俱全。講到夜市重頭戲，非美食莫屬—琳瑯滿目嘅夜市小吃同甜品令人眼花繚亂，保證你可以大飽口福！