愛丁堡 9 大家庭休閒活動

自從有大熊貓加入以來，愛丁堡動物園 (Edinburgh Zoo) 就成為咗全球最出名嘅動物園之一喇！當然，除咗巨型可愛嘅熊貓之外，呢度仲有過千種動物，當中嘅企鵝遊行特別受歡迎。

喺充滿維多利亞風情嘅 Camera Obscura 同 World of Illusion 入面，眼見未為實！Magic Gallery 嘅曲面鏡同巨型萬花筒將會為你帶嚟奇幻視覺盛宴；而 Electric Room 嘅 Giant Plasmasphere 仲會有巨型等離子層，綻放閃爍光茫添！

成班鴨仔等開餐，喺大型鴨塘入面暢泳，絕對係小朋友嚟到呢片田園花園嘅最愛景點！行到去空間寬敞嘅維多利亞式溫室，大人細路仲可以試吓搵樹叢入面嘅檸檬，又或者熱帶雨林小屋 (Rainforest House) 嘅紅色絨球花。

「動力地球 (Our Dynamic Earth)」科學中心為小朋存籌辦多達 35 個工作坊同學習計劃，幫大家了解我哋身處嘅世界。喺呢座巨型互動式博物館裡面，你可以回溯幾十億年時光，搭時光機返去恐龍誕生之前嘅地球；而你仲可以透過哈勃望遠鏡，喺太空飛船嘅橋樑上面親眼見證「宇宙大爆炸」添！

嚟到距離愛丁堡 (Edinburgh) 舊城區東南面大約 3 公里嘅高爾基市農場 (Gorgie City Farm)，小朋友可以同馬，山羊、綿羊近距離接觸，親身一試做農夫嘅感覺，仲可以抱吓可愛豚鼠添！

河流蜿蜒，穿過愛丁堡 (Edinburgh) 嘅斯托克韋爾 (Stockwell) 同迪恩村 (Dean Village) 街區，最終流入福斯峽灣 (Firth of Forth)。沿河漫步，不妨喺途中試搵吓斑點啄木鳥同蒼鷺嘅踪跡；如果你視線夠敏銳，仲可能會見到水獺或者蜜獾添！呢條路線全長超過 12 公里，而 Water of Leigh 保育基金會兼遊客中心 (Water of Leigh Conservation Trust and Visitor Centre) 就係唔錯嘅起點，搭巴士可以輕鬆到達。

不如同屋企人一齊嚟睇蘇格蘭 (Scotland) 故事展，了解吓愛丁堡 (Edinburgh) 嘅真實歷史吖！蘇格蘭故事中心 (Scottish Storytelling Centre) 位於皇家大道 (Royal Mile) 嘅現代建築入面，有 Storytelling Court 舉辦合家歡活動，而且全年戲劇表演不斷。

如果你 Book 咗愛丁堡 (Edinburgh) 舊城區嘅酒店，就一定要遊覽地底嘅瑪麗金街 (Real Mary King’s Close) 喇！年齡大少少嘅細路應該會好鍾意嚟呢條幽暗嘅地下街探險；而著住戲服嘅導遊仲會帶你參觀 17 世紀嘅地下排屋，了解當地居民嘅故事添。

沿住尋寶步道 (Treasure Trail) 行，你可以同屋企人一齊探索城中最古老嘅地方，而沿途仲會有唔少線索，帶領小朋友一步步揭開驚人秘密添！不妨提前 Download 愛丁堡 (Edinburgh) 舊城區周圍嘅自助尋寶路線圖，Print 埋出嚟，按圖索驥。