艾華卡拉 (Al Wakrah) 最初係一個迷人嘅漁村,而家已經成為卡塔爾最大嘅城市之一。風景怡人嘅海灘、地道嘅市集、平和嘅花園—處處散發出低調嘅氣息。現代發展令呢座城市得以蓬勃發展,但係您仍然會見到當地人毋忘初心。

    美麗嘅自然風光同有趣嘅當地文化,令艾華卡拉保持特色,吸引遊客前來遊覽。無論您係想望住海邊靚景吹海風,定係想深入當地人嘅生活,艾華卡拉總有適合您嘅活動。

    艾華卡拉最好玩嘅活動係乜嘢?

    1

    沃克拉市場

    海濱沿岸嘅傳統市場

    沃克拉市場 (Al Wakrah Souq) 人流非常之旺,呢度有好多紀念品等你搜購,而且當地嘅餐館非常出色,食飽仲可以沿住海濱長廊散吓步。另外,你亦會搵到好多海濱餐廳,而街上面都有好多小販擺賣。呢個市場好有鄉村風,當地人同旅客都好鍾意嚟到買自家手作,帶俾你一種穿越時光嘅感覺。

    除此之外,廣場建築同佈局古舊,令你 Feel 到入鄉隨俗嘅 Shopping 體驗。沃克拉市場散發住一種舒適嘅氛圍,正正適合同一班屋企人或者知己一齊鬆一鬆。如果你想去玩水,沿住海岸行幾分鐘就會發現一個好啱一家大細玩嘅海灘。沿住相反方向行一段路,可以去到沃克拉大街 (Al Wakra Main Street)。

    地點: 卡塔爾沃克拉沃克拉海濱 (Al Wakrah Seafront)

    地圖
    • 購物
    • 經濟實惠

    相片由 Mohamod Fasil 提供 (CC BY 2.0) 經修改

    2

    沃克拉埃茲丹購物中心

    集合你想買嘅心水品牌

    嚟到沃克拉,如果你想瘋狂 Shopping,埃茲丹購物中心 (Ezdan Mall) 係不得不去嘅地方。無論係衫褲鞋襪定珠寶首飾,呢度集齊全球知名品牌同當地名牌,包你揀到停唔到手。商場間中會舉辦促銷優惠,隨時幫你嘅旅程慳番筆。

    食方面一樣咁多選擇,保證行到累嘅你會搵到好味嘅野食叉叉電。喺空間舒適嘅美食廣場食坐歎時尚嘅建築風格。如果你同埋小朋友一齊旅行,Fun Ville 兒童活動中心有好多令人玩唔停嘅遊樂設施同遊戲。埃茲丹購物中心就係沃克拉醫院 (Al Wakra Hospital) 附近。

    地點: Al Wukair St, Al Wakrah, Qatar

    開放時間: 星期六至星期四 07:30 至 00:00;星期五 07:30 至 11:15、12:30 至 00:00

    電話: +974 4433 4545

    地圖
    • 家庭
    • 購物
    • 品嚐美食
    3

    沃克拉市政親子海灘

    一家人 BBQ 或者喺「黃金海岸」暢泳

    沃克拉市政親子海灘 (Al Wakra Municipality Family Beach) 嘅下午經常充斥住各個家庭泳客嘅歡笑聲。呢個景點有齊餐檯同燒烤爐,絕對係岸邊野餐嘅好地方。小朋友可以喺黃金海岸邊嘅遊樂場玩番日,而小朋友大咗仲可以同屋企人打吓排球同踢吓波。

    淺水地帶雖然安全,但都唔建議喺度游水。如果想放鬆身心,可以去吓廣闊嘅海岸線,嗰度有好多位可以曬吓太陽。沃克拉市政親子海灘位於沃克拉市中心以北 6 公里左右。

    地點: 卡塔爾沃克拉

    地圖
    • 家庭
    • 拍照
    • 經濟實惠
    4

    Port Al-Wakrah

    喺人來人往嘅港口練習釣魚技巧

    Al Wakrah 係一條嘅歷史悠久漁村,對大部分當地人嚟講,喺 Port Al-Wakrah 釣魚喺早午晚都係咁普遍。欣賞停喺碼頭嘅漁船,海上駛來駁去嘅漁船為小鎮提供新鮮海產。如果你覺得自己運氣麻麻,可以去吓海邊睇吓天堂美景,回復輕鬆愉快心情,開開心心喺 Al Wakrah 玩番日。

    要去 Port Al-Wakrah,最簡單方法係租車,駛出 Al Wakra 大街,然後向海邊行,就可以直達 Al Meena 街。到咗碼頭,你會見到幾十個人釣魚,魚竿垂下,等魚上釣。

    地點: 卡塔爾沃克拉

    電話: +974 4045 3333

    地圖
    • 歷史文化`
    • 拍照
    • 經濟實惠
    5

    沃克拉公共花園

    喺雍容華貴嘅花園或者沿住沙灘漫步

    沃克拉公共花園 (Al Wakrah Public Garden) 嘅植物修剪得相當整齊,排成一條遠離城市環境嘅寫意花路。公園嘅行人路環境優美,四周繁花似錦,枝繁茂盛綠油油。當中有成 70 幾種植物。橄欖樹、仙人掌同漿果都只係公園裡面嘅一小部分植物。你甚至可以嚟一埸尋寶遊戲,好好發掘一下。

    沃克拉公共花園距離海岸只係幾步之遙,所以你喺欣賞花朵之後可以沿著黃金沙灘漫步。鍾意動物嘅你可以留意吓狗仔海灘,嗰度有好多主人拖住愛犬一齊散步。沿住海岸走,你會見到遍佈遊樂場同棕櫚樹嘅 Wakra Beach Park。

    地點: 卡塔爾沃克拉

    開放時間: 星期日至星期四 09:00 至 23:00;星期五 10:00 至 23:00;星期六 15:00 至 00:00

    電話: +974 5570 2661

    地圖
    • 伴侶
    • 家庭
    • 拍照
    • 經濟實惠
    Daniel Grenier | 特約撰稿人

    開始計劃行程

    Maps