京都 17 大最佳夜生活體驗

京都趣味紛呈，好玩活動晝夜無間，市內夜生活繁華璀璨。儘管這個城市嘅外表古老，但旅遊體驗卻不只限於歷史方面。想要狂歡一、兩晚的遊客，總會找到三數個夜生活熱點，必遊景點包括祗園區，Pontocho Alley 以及 Kiyamachi Street，要決定由邊度開始狂歡都係一大難題。

周圍遍布酒吧、餐館以及俱樂部，係欣賞人生百態嘅好地方。溫馨提示：京都夜生活並不只會喺地面上演。事實上，有唔少玩樂場所都設於大廈較高樓層，因此請留意霓虹燈標誌，睇清楚各處嘅實際位置。

京都酒店

1. 祇園角

推介： 家庭, 晚間娛樂

祇園角嘅導演同製作人員充分發揮日本各式古典藝術精萃，俾你一次過欣賞茶道、花道、木偶劇以至京舞等各種表演。呢個節目主打遊客市場，價錢有少少貴，卻係日本傳統表演藝術嘅代表作，分段表演歷時 50 分鐘，節目每日兩節，時間分別係 18:00 及 19:00。6 歲以下小童免費入場。

位置： 605-0074 日本京都府京都市東山區祇園町南側 570-2

開放時間： 4 月至 11 月期間每日表演時間為 18:00 及 19:00。12 月至 3 月期間只會於星期五至星期日及國定假日表演。

電話： +81 (0)75-561-1119

探索祇園角附近的酒店

2. 世界

推介： 晚間娛樂

World 係京都規模最大嘅夜總會，齊集各個範疇嘅著名藝人，內容由 EDM、浩室音樂到 hip hop、R’n’B 同 Party 流行音樂都有，以前仲邀請過 Skrillex 同 2manydjs 等藝人登台演出！呢間 2 層樓高嘅夜總會設有寬敞嘅舞池，有好多款啤酒、雞尾酒任君選擇，仲有儲物櫃提供，俾你喺「夜蒲」狂舞嗰陣，保障個人物品安全無恙。要去 World 夜總會，可以乘搭地鐵到河原町站，行一陣到先斗町通娛樂大街，就會嚟到。

位置： 600-8001 日本京都府京都市下京區真町 97

開放時間： 每晚 21:00 到深夜

電話： +81 (0)75 213 4119

3. 南座劇場

推介： 家庭, 晚間娛樂, 團體

如果你對日本古典藝術好有興趣，就一定要去參觀南座劇場喇！呢度係日本最古老嘅歌舞伎劇場，歌舞伎表演全年無間。咁啱喺 12 月去京都？你仲可以去南座劇場欣賞一年一度嘅吉例顔見世興行節—到時，全國最優秀嘅歌舞伎演員都會露面，俾賓客一窺「蘆山真面目」。

位置： 605-0075 日本京都東山區大和大路西入る四條通中之町 198

開放時間： 票房每日 10:00 至 18:00 營業

電話： +81 (0)75-561-1155

查看附近住宿

4. Metro 夜店

推介： 晚間娛樂

Metro 係一間 dance club，店內舉辦嘅浩室音樂同鐵克諾音樂之夜冠絕京都！呢間不拘一格嘅夜店仲有多姿多彩嘅活動上演，例如小型音樂會、的士高同藝術展覽等—「拉丁之夜」每每吸引大批人群；而「Metro 非異性戀之夜」則是京都同性戀界的主要盛事。簡而言之，夜總會每晚都會訂出唔同嘅音樂主題，有創意達人慕名而至，聯誼氣氛好玩有趣。Metro 夜店喺京阪線嘅丸太町站附近，好容易搵到。

位置： 606-8396 日本京都左京區川端丸太町下ル下堤町 82 惠美須ビル B1 樓

電話： +81 (0)75 752 4765

5. 京都音樂廳

推介： 晚間娛樂

京都音樂廳是京都北部的現代主義傑作，建築風格令人驚嘆，由世界知名建築師磯崎新設計，仲會定期舉辦古典音樂同舞蹈表演，涵蓋歷史和現代主題。要去京都音樂廳，可以乘搭地鐵到北山站。有關節目詳情，請向京都綜合觀光案內所查詢。

位置： 606-0823 日本京都左京區下鴨半木町 1-26

電話： +81 (0)75-711-2980

探索京都音樂廳附近的酒店

6. Pig & Whistle 英式酒吧

推介： 美食, 晚間娛樂

Pig & Whistle 係京都一家幾受歡迎嘅正宗英式酒吧，極受外籍人士、遊客以至精通英文嘅日本人推崇，氣氛溫馨友善，每個週末都有現場音樂表演，每個月仲會請嚟各類藝人登台，節目內容包括爵士樂到 Country 音樂等等。酒吧歡樂時光從 17:00 到 19:00。Pig & Whistle 會供應酒吧常備食品，諸如水牛城雞翼、漢堡包、Pizza、肉餡餅以及炸魚薯條，而且店內生啤種類至少達到 10 款，職員都識講英文。

位置： 605-0009 日本京都府京都市東山區三条通 115 尚美大廈 2 樓

開放時間： 每日 17:00 至 01:00週末營業至 02:00

7. 京都觀世會館能劇場

推介： 家庭, 晚間娛樂

呢度為你送上喺京都市內浸淫日本傳統文化嘅好機會—觀世會館能劇場舞台定期演出傳統能劇，而能劇是一種音樂舞台劇，歷史可以追溯到 14 世紀，藝人蒙面表演，場面奇妙壯觀，即使你唔係咁了解劇情，都會覺得嘆為觀止。劇院有時會有免費節目，其他時間嘅門票索價可以高達 8,000 円！

位置： 606-8344 日本京都市左京區岡崎円勝寺町 44

電話： +81 (0) 75-771-6114

8. Le Club Jazz

推介： 晚間娛樂

Le Club Jazz 現場音樂夜店極受歡迎，每個星期二晚都有藍調、爵士同騷靈樂隊演出，仲請到來自日本以至海外嘅藝人做嘉賓。由星期四到星期一，呢間 Club 會舉辦現場「Jam 歌」音樂會，吸引音樂人聚首一堂，即興合奏。入場費包括兩杯飲品。

位置： 604-8082 日本京都市中京區三條御幸町角三条ありもと 2 樓

開放時間： 星期二至星期日 19:00 至 01:00 (星期一休息)

電話： +81 (0)75-211-5800

9. 拾得音樂廳

推介： 晚間娛樂

拾得音樂廳坐落於古老的清酒倉庫裡，氣氛良好，會舉辦各種音樂表演，吸引年輕潮人慕名而來，而你就可以喺輕鬆氛圍下，欣賞嶄露頭角嘅音樂新星落力演出。現場表演嘅入場費大約 1,000 円，但喺「アコースティック飛入 Live day」人人開咪夜就可以免費入場。拾得音樂廳位於主要旅遊中心北面嘅二条城附近。

位置： 602-8125 日本京都市上京區下立売下る菱屋町大宮通 815

開放時間： 每日 17:30 至 00:00

電話： +81 (0)75 841 1691

10. 京都電影院

推介： 伴侶, 家庭, 晚間娛樂

京都電影院位於市中心地帶，嶄新落成，放映國內同國際電影、最新上畫大片、同埋趣味盎然嘅藝術電影。院內只有 3 個銀幕，上映嘅電影都經過精心挑選，你可能仲會搵到日本動漫同記錄片，以至日本同國外獨立製作電影。

位置： 京都下京區水銀屋町 620 烏丸通四條下ル Cocon Karasuma 3 樓

開放時間： 放映時間視乎情況而定，通常係 10:00 至 21:00

電話： +81 (0)75-353-4723

11. Gnome 愛爾蘭酒吧

推介： 美食, 晚間娛樂

Gnome 係一間愛爾蘭酒吧，供應好多傳統愛爾蘭美食，包括椰菜薯茸 (Colcannon) 同新鮮出爐嘅梳打麵包，還有健力士和 Kilkenny 桶裝啤酒，價格合理，而廚房淨係用有機蔬菜入饌，份外健康！Gnome 嘅定期現場音樂表演同每日 17:00 到 20:00 嘅 Happy Hour 大受歡迎。酒吧老闆才華橫溢，更加喺樓上開設咗工藝品商店，記住要去行下！Gnome 位於 SSS 大樓的地下室，靠近京都御所。

位置： 604-0924 日本京都中京區 SSS 大樓 B1 樓

開放時間： 每日 17:00 至 01:00 (週末稍遲關店)

12. Live Spot Rag 酒吧

推介： 晚間娛樂

Live Spot Rag 是京都最有趣的夜生活熱點之一，你可以欣賞到搖滾樂、爵士樂以至原聲民謠等現場音樂。細枱仔散落喺酒吧各處，而吧檯旁邊亦都有唔少企位，可以清楚望到舞台。酒吧廚房有供應日式、泛亞和西餐等各種菜餚，焦點美食包括煙燻三文魚 Pizza、馬拉咖哩雞、中式春捲、海鮮配海藻沙律同豆腐沙律，聽見都流口水！

位置： 日本京都市中京区宫町三条aga京都帝国大厦6楼

開放時間： 每日 18:00 至 02:00 (週末稍遲關店)

電話： +81 (0)75-241-0446

13. Café Rumbita

推介： 晚間娛樂

京都市嘅 Salsa 同拉丁舞擁躉人數之多，肯定會嚇你一跳！Café Rumbita 是市內最受歡迎的拉丁音樂熱點之一，每晚 21:00 就有 Salsa 課程開班，由初級到高級程度都一應俱全。落堂之後，大家都會參加 Party 舞會。Café Rumbita 供應墨西哥同古巴菜餚，仲設有貨存充足嘅酒吧，並且坐落喺先斗町通熱門夜生活街區，鄰近三条地鐵站，好容易搵到。

位置： 604-8032 日本京都市中京區河原町通三条下る山崎町 2-258-19

開放時間： 每天 21:00 至 02:00星期六營業至 05:00

14. Back Gammon 酒吧

推介： 晚間娛樂

Back Gammon 是一間清吧，在深夜極受歡迎，吸引從夜店離開而意猶未盡的一眾「夜蒲客」。酒吧環境舒適，燈光幽暗；如果你爬到上樓梯，仲可以坐喺「烏鴉巢」裡面，享用由特製升降機送上嚟嘅飲品。Back Gammon 位於木屋町通，周圍都是酒吧和餐廳。只要乘搭地鐵到三条站，行過天橋就會嚟到。

位置： 604-8005 日本京都市中京區木屋町通三条上る恵比須町 446 葵大樓 2 樓

開放時間： 每日 20:00 至 05:00

電話： +81 (0)75 223 0416

15. Zac Baran

推介： 晚間娛樂, 團體

Zac Baran 以優質嘅爵士音樂、不定時嘅現場表演、氣氛親切嘅燈光同現代風格，吸引年輕時尚達人湧至。呢間時尚夜店同時亦都係餐廳，最啱你同朋友共進晚餐、狂歡熱舞；而店內的飲品餐單非常全面，供應各款葡萄酒、雞尾酒、當地啤酒和進口啤酒。Zac Baran 位於京都東部，靠近平安神宮，乘搭地鐵到神宮丸太町站就可以到達。

位置： 606-8392 日本京都市左京區聖護院山王町 18

開放時間： 每天 18:00 至 02:00

電話： +81 (0)75-751-9748

16. Man in the Moon 愛爾蘭酒吧

推介： 晚間娛樂, 團體

Man in the Moon 愛爾蘭酒吧靠近城市南部的京都站，係 Pig & Whistle 嘅姊妹酒吧，內裡嘅美食、多款啤酒、國際化熱情氣氛都同 Pig & Whistle 相近。店內備有 7 款生啤和 60 款單一麥芽威士忌；而如果你鍾意睇體育比賽，仲可以喺 3 部大螢幕電視上直擊賽事實況添！酒吧主打英式餐單，職員識講英文，正正係遊客消除旅遊疲勞嘅熱門場所。Man in the Moon 嘅 Happy Hour 早喺 11:00 就開始，直到 17:00。只要向京都車站八条口出口西側行，就可以直達酒吧。

位置： 600-8215 日本京都市南區東塩小路釜殿町 31-1

開放時間： 每日 11:00 至 02:00。星期五和星期六營業至 04:00

電話： +81 (0)75-672-2522

17. 磔磔現瑒音樂吧

推介： 家庭, 團體

自 1974 年以來，磔磔音樂吧一直主辦日本規模數一數二嘅搖滾樂同藍調樂隊表演，偶然仲會請到國際巨星演出。呢間音樂吧雄據成座龐大嘅木製倉庫，有足夠空間容納週末湧至嘅京都本地人。磔磔現瑒音樂吧通常都會收取入場費—不過，如果你想親身觀賞日本著名演奏家奏出嘅高質現場音樂，呢度就係不二選擇！呢處現場音樂表演場所有啲難搵，但係只要搵到一塊寫住黑色漢字「磔磔」嘅木牌，你就嚟到目的地喇！

位置： 600-8061 日本京都市下京區筋屋町 139-4

開放時間： 星期二至星期日 (星期一休息)

電話： +81 (0)75 351 1321

此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。