京都十大最佳博物館

京都國立博物館收藏左珍貴嘅考古文物、書法、雕塑、繪畫、陶瓷和漆器展品等，同一時間可展出多達 6,000 件館藏，而特別展覽會定期更換。你可以在這座壯麗的明治時代紅磚建築中停步了解，或到網上查看詳情亦可。博物館位置好近七條地鐵站，出地鐵行一陣就到。

呢座博物館位於京都南部歷史悠久嘅清酒釀造區，珍藏超過 6,000 件傳統釀酒工具，主題咁另類都幾吸引，館內許多展品更已被定為民俗工藝文化資產，描繪了幾個世紀以來幾乎無甚變改的地道清酒製作技術。要品嚐清酒、再選一瓶京都名釀回家，這裡也是個好地方。想去月桂冠大倉紀念館，可以搭京阪線係中書島站落車。

京都御所位於京都市中心以北嘅大公園內，皇宮既華麗又氣派不凡，截至 1868 年搬都到東京以前，這裡都是皇室住所。宮殿本身不對外開放，但公園則全年開放，也是週末家庭野餐的熱門場所。整片宮殿建築群由土牆包圍，佔地 27 英畝，共有 5 個大門，而南大門是地面主要入口。宮殿曾經被火燒毀左幾次，現存嘅宮殿於 1855 年用傳統方法重建。靚到打卡嘅花園格局仍源用最初嘅設計藍圖。

公園仲保留左好多歷史遺跡和古老寺廟，遊客可以參加皇宮嘅英文導賞團。導賞團平日淨係得上晝 10 點和下晝 2 點時段。如果想預約參加導賞團，就要去京都辦事處嘅宮內廳。

京都傳統產業體驗館主打傳統手工藝品，包括和服、日式人偶、紙扇、雨遮、黃楊木梳、漆器、佛教祭典法器和瓷器等。這座超卓博物館還有關於日本傳統產業的詳細介紹，館內仲提供日文和英文解釋。走之前，記得去工藝品店行一轉，買返啲精美得意手信派街坊。

你係咪一直好想試下著和服？係嘅話，去京都旅行就一定要嚟西陣織會館了！係呢度你可以變身做迷死人嘅藝伎，試著成12 層嘅優雅禮儀和服，仲可以瘋狂影相打卡呃like，就咁聽已經超想嚟玩下。這座紡織博物館的展品非常精彩，計有日式服裝及布料、古代紡織品、以至大師級手工織布示範不等，還會定期舉行免費和服時裝秀。一句講哂西陣織會館真係人氣爆燈！想參觀就要去京都嘅西陣傳統編織區了。

呢座當代博物館外觀霸氣又殺食，得意嘅係佢身處一幢舊明治時期建築物之中，新舊交融又唔違和，真係抵俾個 like 佢。珍藏著出色的視聽展覽、合比例的京都舊日市貌模型、以及一比一仿建江戶時代京都街道場景，處處滿載互動趣味。博物館仲設有京都電影業專題展區，遊客可以租用日文和英文語音導賞指南。

前衛畫家堂本印象設計左呢座天馬行空嘅當代建築物，仲將佢變成博物館，1961 年堂本印象因為呢個 project 獲頒文化勳章。京都府立堂本印像美術館展出精美的現代藝術品、繪畫和雕塑，博物館位置都好方便，由金閣寺行一陣就到，去京都北部北區玩，記得過嚟參觀下。

京都世界和平博物館位於立命館大學，旨在宣揚世界和平，館內展品包括模擬場境、電影、相片和複製品。此博物館設有三個展區，主題分別為日本 15 年戰爭、第二次世界大戰、以及 1945 年以來的戰爭與和平。博物館的重點展品是由本郷新創作的雕塑，以紀念 1943 年二戰期間因被徵召入伍而被迫輟學的學生。好多展品說明和素材都係用日文寫嘅，聽唔明嘅話，可以去接待處攞英文指南。

呢座私人別墅係日本著名無聲電影明星大河內傳次郎嘅故居，佢係 1920 年代憑著武士電影而人氣急升。這棟佔地 20,000 平方米的別墅坐落在幽美寧靜的位置，可飽覽嵐山和京都的壯麗景色，共花了大約 30 年才建成，內外都綴有許多華麗裝飾。庭園的設計旨在以松樹、楓樹、櫻花和杜鵑花突顯四季之別。入場費包括茶品和蛋糕，為參觀體驗添加一點甜美。想去參觀呢幢咁靚嘅別墅，可以坐 JR 山陰本線係嵯峨站落車。