京都 6 大最佳賞櫻寺廟

想係京都賞櫻一定要較啱時間，配合天時地利先可以欣賞到粉紅櫻花綻放嘅花海靚景。賞櫻季節大概係全年最令人期待嘅活動，一年一度花見期間，當地人會去賞櫻熱點野餐或者漫步公園，欣賞櫻花盛放嘅醉人美景。京都每年四月都可以欣賞到櫻花海嘅壯觀美景，不妨去以下嘅寺廟賞櫻。

京都酒店

1. 清水寺

推介： 家庭, 歷史文化, 團體

只要踏足京都東部密林山麓上嘅清水寺，你就會有「回到過去」嘅感覺！清水寺獲列入聯合國教科文組織世界文化遺產，亦係全國最出名嘅寺廟之一，以 13 米高嘅木製平台而聞名，而嗰座平台係由主廳向外延伸嘅。

立足平台上，遊客可以飽覽楓樹同櫻花靚景，細賞春秋兩季色彩繽紛嘅一片樹海。事實上，呢度仲可以遠眺京都市中心嘅全景，風光遼遠！主殿冇採用一口釘建造，仲安放咗寺廟嘅主要祭祀對象—十一面千手觀音小雕像添！ 閱讀更多資訊

位置： 605-0862 日本京都府京都市東山區清水 1 丁目 294

開放時間： 每日 06:00 至 18:00 (夏季開放時間延長)

探索清水寺酒店

2. 勝持寺 (櫻花寺)

推介： 歷史文化, 拍照, 非一般行程

勝持寺係古色古香嘅平安時代建築，歷史相傳可追溯至 680 年！與京都許多宗教聖地一樣，此寺以櫻花樹而聞名，每年四月都綻放出一大片粉紅花海。寺廟陽台上，放著一尊賓頭盧神像—據說，賓頭盧是具有療癒能力的佛教徒，而日本善信會向雕像祈求身體健康。

位置： 610-1153 日本京都西京區大原野南春日町 1194

開放時間： 每日 09:00 至 16:30

電話： +81 (0)75 331 0664

查看附近住宿

3. 上醍醐寺

推介： 家庭, 歷史文化

上醍醐寺正正就係京都觀櫻嘅好去處！呢座真言宗寺廟嘅歷史可以追溯到 874 年，乃由名叫聖寶大師嘅僧侶建造。當地人相傳：聖寶大師圓寂後，長眠於寺外土地，肉身已登西方極樂，只遺下一雙鞋子。此寺曾在地震和火災中大幅被毀，幸得豐臣秀吉於 16 世紀對其進行重大重建，方回復舊日光華。如要前往上醍醐寺，遊客可以乘坐東西線去醍醐站下車。

位置： 京都伏見區醍醐東大路町 21

開放時間： 每日 09:30 至 16:30

電話： +81 (0)75 371 5649

探索醍醐寺酒店

4. 下醍醐寺

推介： 家庭, 歷史文化, 拍照

下醍醐寺坐落喺秀美山麓嘅底部，歷史可追溯至 874 年，寺內嘅五重塔更相傳係京都最古老嘅建築之一。16 世紀，這座寺廟幾近荒廢，幸得豐臣秀吉碰巧在 4 月櫻花盛開之時到訪，為寺外美景吸引而下令全面復修。寺廟主殿以狩野派的華麗藝術風格設計，內有賞心悅目的中式庭園；而你更可以攀上山腰，參觀宏偉嘅子寺廟。

位置： 京都伏見區醍醐東大路町 22

開放時間： 3 月至 10 月 09:00 至 17:00；11 月至 2 月 09:00 至 16:00

電話： +81 (0)75 571 0002

探索醍醐寺酒店

5. 平野神社

推介： 家庭, 拍照, 經濟實惠

如果你剛好春天到訪京都，就絕對要去平野神社一遊，遍賞絢麗櫻花，體驗京都嘅「花見」文化。每年 4 月 10 日，櫻花節都會喺呢度舉行，屆時各式食物同飲品攤位擺開陣仗，仲有傳統古琴同三味線嘅免費音樂表演，一定相當熱鬧。

位置： 日本京都 603-8322 Kita，1 Hirano Miyamotocho

電話： +81 (0)75 461 4450

探索平野神社酒店

6. 仁和寺

推介： 伴侶, 拍照

仁和寺坐擁一座五重塔，最初建於公元 8 世紀，後於 17 世紀與寺廟其他部分一同重建。貴為京都最有趣嘅聯合國教科文組織世界遺產之一，仁和寺以「神殿」風格興建，主廳內飾有雙對稱圖案，而兩側建築物皆由有蓋通道連接。寺廟信奉嘅阿彌陀佛固然吸引信眾前來參拜，惟寺內珍藏嘅彩繪屏風、同埋種有矮櫻桃樹嘅圍牆花園，同樣令人嘆為觀止。

位置： 616-8092 日本京都右京區御室大内 33

開放時間： 每日 09:00 至 16:30

探索仁和寺酒店

此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。