巴黎 4 大頂樓餐廳

呢間潮爆屋頂酒吧餐廳叫做 Le Perchoir，位於拉雪茲神父公墓 (Père Lachaise Cemetery) 西北面 600 米，隱身喺一幢工業大廈嘅 6 樓同 7 樓，人氣超旺架！餐廳出邊嘅屋頂露台佔地廣闊，飽覽到巴黎聖心大教堂 (Sacré-Coeur Basilica) 嘅靚景。店面採用復古工業風格設計，設有連頂棚嘅露天區域，消費合理，星期六日仲熱鬧，氣氛正到無得彈！如果你揀喺第十區 (10th Arrondissement) 附近嘅酒店落腳，行路都去到 Le Perchoir。

Maison Blanche 係位於香榭麗舍劇院 (Champs-Elysées Theatre) 屋頂上面嘅豪華熱點，佔地兩層，設有 2 個室外露台，分別叫做 George V 同埋 Montaigne，仲有一間用玻璃屋頂裝飾嘅用餐室。身處露台，你可以欣賞到艾菲爾鐵塔 (Eiffel Tower)、榮軍院圓頂教堂 (Dôme des Invalides) 同埋塞納河 (Seine River) 嘅無敵靚景；而 Maison Blanche 供應嘅美食一流，店面每逢週末仲會化身至潮 Nightclub 添！如果你想住喺附近，鄰近第八區 (8th Arrondissement) 嘅酒店都會係唔錯嘅選擇。

身處鼎鼎大名嘅蓬皮杜藝術中心 (Pompidou Centre) 頂樓，你可以喺至 In 酒吧餐廳裡面嘆盡美酒佳餚！同樓下嘅現代美術館一樣，Georges 亦都極盡時尚，仲飽覽到艾菲爾鐵塔 (Eiffel Tower) 同埋巴黎聖母院 (Notre-Dame Cathedral) 嘅遼闊景色添。店家設有充足嘅室內同室外空間，無論晴雨，你都可以隨時睇盡眼前靚景。

「大膽，獨特、壯觀」呢三個形容詞襯哂 Kong 啊！呢間至 In 日式/亞洲餐廳位於奧斯曼 (Haussmannian) 大樓嘅 5 樓，設有採用玻璃屋頂嘅用餐室，可以飽覽巴黎建築物屋頂、新橋 (Pont Neuf) 同塞納河 (Seine River) 嘅無雙景色，雖然菜式索價可能有啲貴，不過肯定會為你帶嚟獨一無二嘅國際化體驗。講真，除咗呢度，你仲可以喺邊座 19 世紀法國建築嘅頂樓搵到咁精緻嘅餐廳、食到咁好味嘅亞洲美食呢？所以話，呢間舖頭絕非浪得虛名架！