巴黎 5 大美食同跳蚤市場

聖圖安跳蚤市場又名「克利尼昂庫爾跳蚤市場」，佔地 7 公頃，好多人都話佢係全世界最大型嘅古董市場。由珠寶到家具、由服裝到家居用品，呢個熱鬧市集嘅二手商品種類繁多。

無論你想搵乜，聖圖安跳蚤市場都係夢想尋寶勝地。不過，現場人頭湧湧，記得提防扒手。想避開人潮，可以早啲嚟。

「紅孩兒市場」個名古古怪怪，其實有段典故：呢度前身係 16 世紀孤兒院，院童都著紅色衫。貴為巴黎最古老、最受歡迎嘅有蓋市場之一。

場內為美食達人呈獻各式誘人香氣同風味，意大利、非洲、黎巴嫩等地道美食檔口應有盡有，歷史氛圍濃厚。

旺夫門跳蚤市場可以話係當地人買餸嘅地道街市，每個週末都喺 Avenue Marc Sangnier 同 Avenue Georges Lafenestre 架設，大約有 200 個攤位。檔主態度唔算「進擊」，場內氣氛悠閒，有啲似後院拍賣會。

係尋覓舊書、珠寶、黑膠唱片同相機寶藏嘅好地方。雖然搵到值錢古董嘅機會唔大，但平價復古雜貨同奇趣小物多不勝數，早到早買，早享受。

顧名思義，拉斯帕伊有機市場專賣無農藥新鮮蔬果同無添加肉類，氣氛熱鬧，產品質素無與倫比，仲有蜂蜜同樽裝油等方便攜帶嘅商品。除咗食材，有啲檔口專賣頸巾同手作小物。

而美食攤檔選擇豐富，有小食同輕便午餐，自家製鬆餅同 Brownie 都係必試之選。

蒙特勒伊跳蚤市場成立於 1860 年，係巴黎最古老嘅跳蚤市場之一，場內熱鬧喧嘩，行經小巷仲會聽到檔主熱情叫賣。

呢度有齊機械零件、新舊衣物、古董玻璃器皿、稀有書籍、黑膠唱片、地毯同廚具等各式商品，你可以用超低價搵到得意雜貨同奇趣小物，就考你講價功力。