Bellavita 寶麗廣場

Bellavita 寶麗廣場被評為台北同亞洲區嘅頂級豪華購物商場，呢座廣場規模宏偉，佈置富麗堂皇，商店全部都係走高檔路線，裡面又有豪華跑車專門店、珠寶店同頂級餐廳。

樓高 8 層嘅商場採用古典建築設計，融入大柱同拱門等元素，風格同美國紐約嘅中央車站非常相似，仲有埋拱形玻璃屋頂同大理石裝飾，優雅瑰麗，低調奢華嘅風格，同埋裡面典雅商店配合得天衣無縫。

Bellavita 寶麗廣場名列台北 20 大購物好去處和台北 10 大最好購物商場 (閱讀有關台北的資料)

台北酒店

Bellavita 寶麗廣場 B2 層嘅美食廣場有供應美食，仲開設咗其他購物中心美食廣場難得一見嘅生蠔吧！而商場頂樓有好多台北市數一數二嘅出色餐廳，例如 6 樓嘅同 28 日式料理、同埋 5 樓舉世聞名嘅台北 L´Atelier de Joël Robuchon 法式料理。

多間高級精品店進駐商場，就連 Vera Wang、Giorgio Armani、Tiffany＆Co、Lamborghini 等出名嘅國際品牌都應有盡有。商場嘅賣點係奢華生活方式，由高級時裝、精緻傢俱、皇室成員追捧嘅鞋履到適合貴族配戴嘅珠寶，真系講得出都有；B1 層仲有藝術畫廊，展示當地新晉藝術家嘅當代作品。呢度嘅購物體驗好奢華，自然非一般人可以負擔得起，而商場裡面大部分待售貨品嘅定價都好貴。

Bellavita 寶麗廣場喺信義區，設有兩層地下停車場，位置接近捷運 5 號藍線嘅台北市政府站 3 號出口。

Bellavita 寶麗廣場

位置： 110 台灣台北市信義區松仁路 28 號

開放時間： 每日 10:30 到 22:00

電話： +886 (0)2 8729 2771

此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。