活力四射嘅 Tapas 酒吧、一流嘅藝術博物館，以至歷史悠久嘅廣場，全部都係馬德里魅力所在，吸引住各有追求嘅旅客。要數馬德里最壯觀嘅廣場，馬約爾廣場 (Plaza Mayor) 肯定榜上有名，場外周圍仲有 15 世紀設計嘅建築環繞，當中包括馬德里皇宮 (Palacio Real)、東方廣場 (Plaza de Oriente) 同埋赤足三一會修道院 (Monasterio de las Descalzas Reales)。
另一方面，好多人會視馬德里為「西班牙藝術之都」，皆因麗池公園 (El Retiro Park) 附近開咗普拉多博物館 (Museo del Prado)、索菲亞王后國家藝術中心博物館 (Centro de Arte Reina Sofía) 同埋提森博內米薩博物館 (Museo Thyssen-Bornemisza) 呢三大美術館，館內既有古典油畫大師之作，亦都有當代美國藝術品。馬德里活動多籮籮，絕對係西班牙必遊勝地之一！
