西班牙小鎮馬貝拉 (Marbella) 生氣勃勃、氣派非凡，簡直算得上係「奢華」嘅代名詞，每個角落都有獨一無二嘅新玩意。沿住黃金地帶 (Golden Mile) 漫步，飲住 Cocktail 睇日落；又或者揀間超豪夜店，先喺手工雕刻嘅華麗戶外座位上攤抖吓，再跳舞到天光，都一樣咁寫意！
馬貝拉嘅舊城區溫馨古雅，有鵝卵石街蜿蜒，攤販會喺路邊擺檔賣花，街上仲有美術館，珍藏住令人驚為觀止嘅藏品；而鼎鼎大名嘅洛斯納蘭霍斯廣場 (Plaza de los Naranjos) 閒適恬靜，種滿橙樹，日頭正好遮蔭，俾大家舒舒服服咁坐喺度食吓嘢，享受美好嘅獨處時光。
