馬德里 11 大最好玩活動
我哋嘅馬德里休閒活動清單充分顯示呢座西班牙首都嘅歷史、藝術、美食、時尚同夜生活有幾廣泛多元！縱觀馬德里市內各處嘅博物館同美術館，全歐洲最優秀嘅西班牙同拉丁美洲藝術品比比皆是；嚟到市內多不勝數嘅露天廣場，揉合布雜藝術風格嘅建築、獨一無二嘅雕像，仲有建於 18...
馬德里
出發前須知
馬德里俾人嘅第一印象，可能係一座精緻嘅傳統城市，有林蔭大道、皇宮 (Royal Palace) 之類嘅奢華地標，亦有普拉多博物館 (Prado Museum) 等等嘅著名文化機構，珍藏住林布蘭 (Rembrandt) 同提香 (Titian) 嘅寶貴傑作。不過，喺優雅嘅表面背後，其實隱藏咗一個真正識得享受 party、深諳聚會文化嘅現代繁華都市！
馬德里嘅食肆應有盡有，包括親民嘅西班牙 Tapas 小食店，以至豪華嘅米芝蓮星級餐廳；而馬德里嘅夜生活同樣精彩，喧鬧嘅酒吧、別緻嘅雞尾酒廊、節拍強勁嘅熱舞夜店等等，通通都係盡情享樂勝地，超乎你想像！
精選指南及趣聞
馬德里玩樂推介
馬德里飲食推介
馬德里購物推介
馬德里 5 大購物街
馬德里最出色嘅購物街都林立各種各樣嘅獨立小店同名牌商舖，貨色不拘一格。嚟得馬德里「血拚」，唔少人都最鍾意去掃名牌衫，而你仲可以用相宜價錢買到好多小玩意、珠寶做手信㖭！馬德里最受歡迎嘅購物街位於市中心同附近嘅薩拉曼卡區 (Salamanca District)，位置非常方便。 而馬德里全年都有購物折扣優惠，之不過，要數最佳 Shopping 時節，就梗係一月至三月嘅冬季大減價，同埋七月至九月嘅夏季大減價啦！個別特定日子都會有其他優惠，好似 11 月最後一個星期五嘅「黑色星期五」咁，就係另一個「購物大吉日」！