塞維亞

「性感西維爾 (Sultry Seville)」絕對有力角逐「西班牙最浪漫城市」嘅稱號！貴為安達魯西亞 (Andalusian) 首府，西維爾極致迷人，到處都有好似童話場景嘅地標，當中包括光彩奪目嘅皇宮、宏偉嘅哥德式西維爾大教堂 (Seville Cathedral) 等等，仲係佛朗明哥舞嘅發源地添—要欣賞呢種令人熱血沸騰嘅藝術表演，唔嚟西維爾又點得！

行到餓餓哋？西維爾遍佈風格多樣、燈光幽暗嘅餐廳，你可以飲返杯雪利酒，試吓用橡果餵飼嘅豬整成嘅伊比利亞火腿，同埋烤白鳳尾魚。如果你想更加深入咁探索當地文化，不妨去埋美術博物館 (Museum of Fine Arts)，欣賞出自本地藝術家手筆嘅中世紀至 20 世紀傑作吖！