西維爾 10 大最好玩嘅活動

西維爾皇宮 (Real Alcazar) 堪稱穆德哈爾 (Mudéjar) 建築風格傑作，仲被聯合國教科文組織列為世界文化遺產，絕對係每個遊客嘅必到景點！呢座皇宮建於 7 世紀，幾百年嚟經歷過幾次重大擴建；時至今日，西班牙皇室仍然住喺皇宮入面。拱形嘅天花板、華麗嘅拱門，加埋迷人嘅花園，為皇宮營造出奢華嘅感覺，可惜到訪旅客人流不絕，難免令呢種堂皇氣氛稍為減弱。溫馨提示：Book 定導賞團，先係明智之舉，可以幫你慳番好多時間，唔使排長龍。

西班牙廣場 (Plaza de España) 係西維爾 (Seville) 市中心嘅壯麗地標，建於 20 世紀，呈現城市整體嘅建築風格，面積仲大到你唔信添！廣場中間有水景裝飾貫流，配襯噴泉同涼亭，望落硬係覺得有啲似曾相識…無他嘅，皆因《星球大戰 (Star Wars)》同《沙漠梟雄 (Lawrence of Arabia)》都有喺度取景。

繼 2010 年全面翻新之後，西班牙廣場好多部分都加入特色設計，包括錯落有致嘅瓷磚、閃閃發光嘅燈飾等。夏季期間，呢度仲會源源不絕嘅現場表演，實會令你樂而忘返！

西維爾 (Seville) 擁有廣闊無邊嘅自然嶺地，啱哂散步！其中，瑪麗亞·路易莎公園 (Parque de Maria Luisa) 周圍有水族館同當代藝術與傳統博物館 (Museum of Popular Art and Traditions) 等你遊覽，園內仲擺放咗唔少大型雕塑同馬賽克藝術品，而且好多長凳都有樹蔭覆蓋，夏日好乘涼，難怪咁多人鍾意喺貫穿公園主要通道嘅 Café 同酒吧停低，飲杯清涼凍飲啦！

西維爾大教堂 (Seville Cathedral) 始建於 16 世紀，至今仍然係世界上最大型嘅哥德式大教堂，堂內隱約見到穹頂，令人感覺自己其實好渺小…周圍睇吓，教堂裡面仲展示咗好多宗教肖像，當中包括壯麗驚艷嘅浮雕，仔細描繪耶穌嘅生活。探索完教堂之後，不妨去埋鐘樓，欣賞舊城區嘅靚景吖！置身呢座建築瑰寶，絕對係到訪西維爾最美好嘅活動之一。

都市陽傘 (Metropol Parasol) 係充滿現代主義嘅木製地標，喺西維爾 (Seville) 舊城區算得上獨特無雙，佢嘅設計就好似一連串巨型蘑菇樹屋，你可以喺上面走來走去，細賞城市風光，尤其到咗夜晚，景色特別醉人。踏足屋頂，你雖然身處高空 30 米，都仲會感受到同城市嘅聯繫；嚟到地下室，不妨參觀吓建造都市陽傘嗰陣出土嘅古羅馬同摩爾人遺跡，順道行埋專售新鮮農產品嘅型格小型市集吖！都市陽傘位於里賈納 (Regina)，全區都係食好嘢嘅勝地，附近有唔少西班牙 Tapas 小吃吧同時尚餐廳架。

巴里奧聖克魯斯 (Barrio Santa Cruz) 係西維爾 (Seville) 最絢麗如畫嘅街區，雲集好多迷人嘅歷史建築，既有大教堂，亦都有城堡。一場嚟到，記得參觀吓「Judería (猶太區)」，細賞華麗拱門同城堡宮殿嘅靚景喎！喺咁多個公共廣場裡面，多納·埃爾維拉廣場 (Plaza de Doña Elvira) 夏季尤其幽靜，而且綠樹成蔭，空氣中散發橙花香氣；身處園內，倍覺寫意。

黃金塔 (Torre del Oro) 原本係海軍要塞兼瞭望塔，而家已經向公眾開放，視野極佳！只要俾 EUR3，你就可以入裡面參觀，順道行吓塔底兩層嘅小型博物館，了解區內嘅航海歷史。睇完靚景，不妨橫過附近嘅 Puente San Telmo 橋去瓜達爾基維爾河 (Guadalquivir River) 對岸，望住黃金塔食返餐好嘢吖？

佛朗明哥舞現場表演節拍緊湊，激情洋溢，精彩畫面肯定會深深烙印喺你腦海裡面！不妨去 Casa de la Memoria 玩返晚，沉醉於正宗佛朗明哥舞嘅踢踏舞步同叮噹伴奏之中？呢個表演殿堂設於舊屋庭院入面，周圍開滿藤蔓同鮮花，而且同場加建博物館，詳盡介紹佛朗明哥舞嘅歷史。完 Show 之後，你仲可以喺場內嘅餐廳嘆盡傳統西班牙美食添！

呢個河畔高檔美食廣場兼休閒用餐場所，正正就係體驗西維爾 (Seville) 餐飲文化嘅好地方，可以俾你試盡各式西班牙海鮮、醃肉同 Tapas 小吃，仲有日式同意式麵食添，選擇多樣！仲唔嚟掃盡最啱口味嘅美食，再搵張枱喺河邊嘆返餐？Lonja del Barranco 市場現代化又乾淨，難怪逢星期六、日都人頭湧湧。

海格力斯阿拉米達公共廣場 (Alameda de Hércules) 係西維爾 (Seville) 最熱門嘅露天晚餐勝地，氣氛「貼地」過「旅遊味」日漸濃厚嘅舊城區，而且佔地廣闊，每一側、每個角落都有 Tapas 小食店同酒吧，「為食貓」就最鍾意！而廣場西側嘅 El Disparate Tapas 吧好值得推介，店家主打嘅魚類菜式一流。