荷蘭
出發前須知
講起荷蘭，大部分遊客都會聯想到風車遍地、花海繽紛嘅靚相。呢個位於歐洲西北部嘅國家以自由主義嘅視野、世界一流嘅藝術同單車友好嘅城鎮而聞名。阿姆斯特丹可能已經成為「紅燈區」同「大麻文化」嘅代名詞，但係呢度風景秀麗嘅運河同開滿鮮花嘅公園絕對係享受天倫樂嘅好地方。
首都嘅博物館區 (Museum Quarter) 入面有 50 幾間博物館，展示世界級嘅荷蘭藝術品同手工藝品，而遊客仲可以喺度一覽荷蘭 17 世紀黃金時代嘅輝煌面貌添！烏特勒支博物館區入面，有百年歷史嘅救濟院同大教堂塔樓 (Dom Tower) 屹立；而孩童堤防 (Kinderdijk) 嘅運河兩邊林立 18 世紀風車，古意盎然。
實用資料
阿姆斯特丹旅遊懶人包
我哋嘅阿姆斯特丹旅遊懶人包羅列出你需要嘅基本資料，幫你 Plan 定荷蘭行程，向各大人氣熱點進發！無論你去旅行去得幾密，都要留意以下問題：當地天氣係點？點樣由機場去酒店？需要邊種貨幣同插頭？我哋會為你提供所有答案，同場加映最佳旅遊時機、交通資訊、各類基本資料，同埋實用旅遊貼士， 一切盡在呢份阿姆斯特丹旅遊懶人包之中。睇完呢份簡短易明嘅指南之後，你嘅阿姆斯特丹旅程應該就準備得七七八八架喇！