阿姆斯特丹
出發前須知
阿姆斯特丹係一個自由城市，雲集全球數一數二嘅著名博物館，而市內嘅中世紀舊城區靚到成幅印象派畫作咁，幾可亂真！阿姆斯特丹沿住被列為聯合國教科文組織世界文化遺產嘅運河環形區 (Canal Ring) 而建，河濱到處都係夜店同酒吧，你想悶親都幾難 (笑~)。踩住單車，用兩個轆歷遍市內各處，再走訪鬱鬱蔥蔥嘅馮德爾公園 (Vondelpark)，呼吸新鮮空氣，絕對寫意十足；如果想投入地道荷蘭體驗，不妨坐觀光船悠閒泛舟運河之上，飽覽阿姆斯特丹獨特建築交織嘅壯麗景色。
實用資料
阿姆斯特丹旅遊懶人包
我哋嘅阿姆斯特丹旅遊懶人包羅列出你需要嘅基本資料，幫你 Plan 定荷蘭行程，向各大人氣熱點進發！無論你去旅行去得幾密，都要留意以下問題：當地天氣係點？點樣由機場去酒店？需要邊種貨幣同插頭？我哋會為你提供所有答案，同場加映最佳旅遊時機、交通資訊、各類基本資料，同埋實用旅遊貼士， 一切盡在呢份阿姆斯特丹旅遊懶人包之中。睇完呢份簡短易明嘅指南之後，你嘅阿姆斯特丹旅程應該就準備得七七八八架喇！