神戶 11 大最佳玩樂活動
神戶最出名嘅係乜嘢？
1. 神戶唐人街
19 世紀末，大約喺西方移民於北野町建造房屋嘅同期，中國商人就喺而家叫做「南京町」或唐人街嘅兩個街區裡面開舖頭。時至今日，這股中國風依然洋溢於這片充滿活力的社區之中，區內處處都是街頭小販，出售小吃和紀念品。喺南京公園嘅中心廣場，動物雕像代表住中國占星曆嘅12年。
公共洗手間通常冇乜引人注目之處；不過，唐人街名為「臥龍殿」嘅公廁外牆設計就好 似龍咁壯觀，的確「臥虎藏龍」！另一方面，唐人街也是尋找廉價美食的好地方，值得一遊。
神戶唐人街
2. 神戶臨海樂園
推介： 伴侶, 家庭
由神戶港塔同美利堅公園步行幾分鐘，就可以到達神戶臨海樂園，而呢度正正係市內最受遊客同當地人歡迎嘅遊樂勝地之一！你可以靜觀船隻在繁忙的港口來來往往，又或者任選多間餐廳和咖啡廳之一，吃點東西。Harbor Circus 和神戶阪急百貨公司都是購物好地方，你也可以到馬賽克購物和餐飲中心 (Mosaic)，感受輕鬆的地中海氣氛。鄰近嘅馬賽克花園 (Mosaic Garden) 就係一座小型遊樂場，裡面有摩天輪等遊樂設施。
位置： 650-0044 日本兵庫縣神戶市中央區東川崎町 1 丁目
開放時間： 每日 10:00 至 21:00
電話： +81 (0)78 360 3639
神戶臨海樂園
3. 北野町
神戶北野町前身係外國商人「初來甫到」嘅聚居地，而神戶正正係日本於 19 世紀後期開放國際航運嘅首批港口之一。由三宮站向北步行約 15 分鐘，北野街道兩旁林立嘅維多利亞風格或哥德式「異人館 (外國人住宅)」即刻映入眼簾。好多建築已經被改造成時尚精品店同餐廳，亦有啲屋舍恢復昔日輝煌，以博物館形式運作。
其中一座值得一遊嘅異人館係 Choueke Yashiki—呢座豪宅建於 1889 年，至今仍然有原始家族嘅成員住喺裡面，擁有令人印象深刻嘅古董同紀念展品，當中包括難波木版畫。
萌黃之館已經有百年歷史，曾經係美國領事亨特夏普嘅住宅，裡面設有古董寶庫；而馬路對面就係精心設計嘅風見雞館，由一位德國商人於 1909 年興建，卻更常被稱為「風向雞之家」，皆因其屋頂旋尖上綴有一個公雞風向標。異人館入場費各為 300 円，而 500 円入場券就可以俾你參觀哂兩間異人館；小朋友免費入場。
北野町目前仍然係規模龐大、文化多元嘅國際社區，既有天主教、浸信會同俄羅斯東正教教堂，亦有穆斯林清真寺、猶太教堂同耆那教寺廟，相映成趣。
北野町
4. 阪神淡路大震災紀念館
呢座綜合博物館於 1995 年阪神淡路大地震十週年嗰陣開幕，由兩座令人印象深刻嘅展館組成，娓娓道來神戶遭逢黎克特制 7.3 級地震期間發生嘅事，以及地震嘅整體變化發展。在減災博物館中，生動的紀錄片把觀眾帶入了災區核心，展示該市以至市內人民應對善後工作和重建家園的歷程。所有展覽都有提供英語標誌同電子指南，館內亦有識講英文嘅義工 ，為你介紹展品。
人類改造博物館更注重生活、自然同生態，有 3D 電影同埋細路仔特別鍾意嘅互動展覽。博物館距離 JR 灘站 10 分鐘步程。
位置： 651-0073 日本兵庫縣神戶市中央區脇浜海岸通 1-5-2
開放時間： 每日 09:30 至 17:30
電話： +81 (0)78 262 5050
阪神淡路大震災紀念館
推介： 伴侶, 家庭, 歷史文化, 拍照
有別於日本眾多城堡，姬路城從未因戰爭、地震或火災而被摧毀，得以保存原有建築，不僅貴為國寶，更是聯合國教科文組織世界文化遺產。喺早春季節，姬路城滿園開遍櫻花，吸引好多當地人同遊客前來賞櫻，有啲人會喺附近草地野餐，消磨成日。
姬路城付費區外的三之丸廣場周圍栽種了不少櫻花樹，不少人都會在這些繽紛盛放的櫻花樹下舉行賞櫻派對。另一方面，千姬牡丹園雖然比較人潮疏落，但亦都係由櫻花樹冠遮蓋嘅一片仙境，野餐環境更佳。姬路市位於神戶以西約 60 公里。 閱讀更多資訊
位置： 670-0012 日本兵庫縣姬路城本町 68
開放時間 ： 每日 09:00 至 17:00 (5 月至 8 月開放至 18:00)
姬路城
6. 兵庫縣立美術館
推介： 家庭, 歷史文化
兵庫縣立美術館距離阪神淡路大震災紀念館只有數步之遙，係一座令人驚嘆嘅建築物，收藏咗來自日本同世界各地嘅大量藝術品。呢座博物館由著名建築師安藤忠雄 (Tadao Ando) 設計，係佢嘅技藝嘅典範，將室內同室外空間融為一體。
常備展 覽展出咗小磯良平同金山平三呢兩位神戶畫家嘅作品，而佢哋一向以西式畫風而備受讚譽。現代和當代藝術展覽則囊括戈雅、馬奈、克林格爾、畢卡索、康丁斯基、沃荷和賈斯伯強斯的作品。館內仲設有大型日式木版畫展覽，另外展出日本同西方眾多著名藝術家嘅雕塑。
位置： 651-0073 日本兵庫縣神戶市中央區脇浜海岸通 1-1-1
開放時間： 星期二至日 10:00 至 18:00 (逢星期一休息)
電話： +81 (0)78 262 0901
兵庫縣立美術館
7. 神戶港塔
推介： 伴侶, 家庭, 拍照
自 1963 年建成以來，神戶港塔一直係神戶嘅海濱地標—108 米高的紅色格紋塔上設有觀景台，可欣賞到海灣和六甲山脈的景色，還可以見到神戶機場同阪神高速公路。附近明石海峽大橋上嘅夜間「燈光 Show」令夜色更璀璨。
神戶港塔呈彎曲管形，喺建築界有「雙曲面」之稱，設計靈感其實來自用於歌舞伎戲劇嘅傳統樂器「つづみ (鼓)」。這種不尋常的設計除了引人注目之外，更在 1995 年神戶大地震期間保持塔身堅固—當時，港口區好多其他建築物都倒塌，唯獨燈塔力保不失！
神戶港塔位於美利堅公園裡面，亦即係美國首個領事館所在地，館內另設小型地震紀念館，以及港口遊輪嘅起航點。有時間嘅話，附近嘅神戶海事博物館亦都值得一遊。
位置： 650-0042 日本兵庫縣神戶市中央區波止場町 5-5
開放時間： 每日 09:00 至 19:00 (3 月至 11 月開放至 21:00)
電話： +81 (0)78 391 6751
神戶港塔
8. 舞子公園
推介： 家庭
舞子公園係一片海濱休閒區，鄰近全球最長吊橋明石海峽大橋嘅底部—呢項工程創舉連接神戶同淡路島，跨越 3,911 米，而兩座主橋塔高 300 米，只係比東京塔矮 33 米，單係中心橋墩之間嘅距離已經橫越 1,991 米。
來到大橋平台下方嘅舞子海上散步道，你可以立足展望台上，近距離欣賞呢座大橋。展望台區距離橋底約 50 米，乘搭電梯便可到達，方便你飽覽明石海峽和大阪灣的美景。散步道的展望台設有咖啡廳、餐廳和出售大橋紀念品的商店；附近嘅大橋展覽中心就有提供關於明石海峽大橋同世界各地其他吊橋嘅全面資料。
位置： 655-0047 日本兵庫縣神戶市垂水區東舞子町 2051
電話： +81 (0)78 785 5090
舞子公園
9. 布引瀑布
推介： 家庭
六甲山嘅布引瀑布係個遠足好地方，可以俾你暫離熙攘城市，享受寧靜，所以一直以來都係各個世代詩人同作家嘅靈感泉源—事實上，布引瀑布早喺 10 世紀已於日本文學作品中「初亮相」！日本人將布引瀑布、華嚴瀑布和那智瀑布合稱「日本三大名瀑」。布引瀑布由一組四道獨立小瀑布組成，分別為 43 米高的雄瀑布、雌瀑布、鼓瀑布和夫妻瀑布。瀑布後面的洞穴被稱為龍宮。
由瀑布出發，你可以乘坐附近嘅新神戶索道纜車上山，飽覽更為壯觀嘅城市景觀，並前往布引香草園。如果你有時間漫步，仲可以沿住附近風景優美嘅小徑徒步旅行，呼吸新鮮空氣。最就近嘅地鐵站係新神戶站，距離瀑布底約 20 分鐘步程。
位置： 651-0058 日本兵庫縣神戶市中央區葺合町
布引瀑布
10. 六甲人工島
神戶市位於山脈和海洋之間，沿著狹長的土地延伸，幾乎沒有擴建的選擇。為了解決這個問題，神戶開創了一些大型填海工程，其中的港灣人工島和六甲人工島就是最佳例子。六甲人工島耗時近 20 年興建，自 1992 年開放以來，至今已發展成主要的住宅、旅遊和商業區。當地人同遊客會去六甲人工島遊覽水上樂園、體育同會議設施、慢跑道、餐廳、戲院，仲有博物館。
時裝發燒友一定要參觀六甲島嘅時尚美術館—呢座美術館為咗歌頌日本同國際時尚風格而精心建造，以高科技常設展覽展出各式各樣的華麗服裝，從傳統的部落服飾、到 Christian Dior 的宴會禮服也應有盡有。如果要去六甲人工島，可以乘搭 JR 列車到住吉站，然後轉乘六甲人工島線單軌列車。
六甲人工島
11. 清酒釀造廠
神戶東部稱為灘區，係日本其中一個最著名嘅清酒釀造產地，產量佔全國四分之一以上。灘區的米酒產業歷史可以追溯到 700 多年前，以來自六甲山泉的「宮水」純礦物質水和頂級品質的「山田錦」白米而聞名。灘區區內散佈住 30 幾間清酒釀酒廠，其中好多都設有博物館，仲會舉辦免費品酒活動同生產線導賞團。
菊正宗酒造紀念館正正就係日本第六大釀酒廠，於 1659 年開始運作，1877 年初次出口酒品到英國；現在，世界各地的顧客紛紛湧至，品嚐其招牌飲料。菊正宗酒造紀念館嘅博物館設有清酒工藝展覽，並珍藏住古代生產技術展品。
位置： 658-0046 日本兵庫縣神戶市東灘區魚崎西町 1-9-1
開放時間： 星期三至星期一 10:00 至 16:00 (星期二休息)
電話： +81 (0)78 854 1042
清酒釀造廠
此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。