札幌 7 大購物體驗

狸小路商店街鄰近薄野火車站，係全札幌規模最大、歷史最悠久嘅購物區之一，設有頂蓋，開滿 200 多家小店，並為訪客奉上各種各樣的美食選擇。環顧街上，專售和服、茶品及香燭的商店，分散在電腦、軟件、先進電子產品及數碼相機專門店之間，令這條商品街富有市集風情；而且，這裡出售的部分商品甚至比 100 円店更便宜，絕對係遊客選購平價手信嘅好去處！

Parco 位於札幌市核心地帶，絕對係你選購設計師名牌產品嘅好去處！這座時尚購物中心所售的衣飾與化妝品特別符合年輕女士心意，另亦設專售男裝和童裝衣物的樓層，並吸引 Pour Les Hommes、Paul Smith、Vivienne Westwood Red Label、Comme des garcons 等西式精品店與眾多日本品牌一同進駐其中。如果你只想小休或找點小吃，就毋須尋尋覓覓—商場八樓坐擁一系列餐廳，正係你必到之處；而七樓仲設有生活風格中心，相當好行。札幌 Parco 毗鄰大通地鐵站。

丸井今井係一間規模龐大嘅百貨商店，售賣珠寶、電動工具以至家居裝飾等各種商品，不止是實體購物熱點，更會為你送上「商場式」逛街體驗，絕對不容錯過！正因為丸井今井矗立於札幌市中心位置，所以處處滿載動感；而如果你逛得餓了，場內還有很多食品店，可供選擇。買咗「龐然巨物」？唔駛擔心—你可以去附近一条館大廈 9 樓嘅郵局，將「戰利品」寄返屋企。郵局接受主流信用卡付款，方便旅客；

二条市場係市中心著名嘅魚市場，位於狸小路購物街附近，場內空間劃分為眾多擁擠小巷，喺呢度，你可以搵到超過 50 種唔同嘅供應商，銷售由鮮魚到海膽，三文魚子到真正令人印象深刻嘅巨型北海道螃蟹等等嘅各種商品。

市場上仲有一個穿牆嘅食品攤位，供應該地區最新鮮嘅食物 - 呢度係生魚片早餐嘅好地方。要展開元氣滿滿嘅一天，不妨試下「海膽三文魚子丼物」呢種人氣美食；而二条市場亦有出售時令水果甚至日本朱古力，仲可以俾你享受吓「講價」嘅樂趣。

札幌工廠係一間宏偉嘅綜合購物中心，建於札幌啤酒廠嘅舊址之上，在歷史悠久的紅磚建築群之中，設有 100 多家商店、餐廳，另有一間酒店及健身中心。工廠主館嘅玻璃中庭華麗壯觀，為場內增添愉快氣氛。

札幌工廠出售嘅商品包括衣物、家庭裝飾、家居用品、紀念品及工藝品；位處工廠綜合大樓核心嘅中庭另設舞台，定期舉辦現場表演；而札幌邁森瓷器博物館則坐落於工廠 4 樓。

Bic Camera 係一間電子產品大型連鎖店，主打最新型電器、IT 商品同埋型格玩具，貨色價格合理；而相機部、手機部和遊戲陳列區每每擠滿顧客，人潮如湧。場內地下室設有美食廣場及 100 円店；而上層則有售服裝、雜貨、玩具、嬰兒用品、寵物用品同埋工藝品。Bic Camera 札幌店毗鄰 JR 札幌站。

100 円店以每件 108 日元 (100 日元加 8% 稅) 嘅價格，銷售各種各樣嘅商品—兌換過來，每件產品大約索價 HKD8，正好讓你發揮「知慳識儉」本色。日本各地有數千間 100 円商店，由多層部門設置到商場嘅小角落。

市場領導者 Daiso 喺全國經營 2,000 多間商店 - 其中包括札幌嘅 8 間商店 - 並奉行積極嘅擴張政策。透過從生產及人工成本低廉的國家以超值折扣價大量買貨，100 円店得以在低於產品實際價值的價格下供應花多眼亂的貨色，店內潮物包括餐具、工具同埋簡約家居用品。