大阪 5 大精彩夜生活體驗

大阪一直美食娛樂共冶一爐，呢度仲有無數夜生活消遣地方，高檔雞尾酒吧、草根 live 表演場所到唔起眼嘅細間威士忌酒吧都有，總之娛樂無窮，任你大玩特玩。

文青嘅你想玩得文藝氣息一啲，可以參觀國家文樂木偶劇場或大阪能樂會館，呢度仲會上演日本傳統能劇表演添。好多地方唔只有 live 音樂表演，仲會播勁歌熱舞，或者輕快嘅爵士樂音樂，包你聽出耳油，如痴如醉。心齋橋站周圍就係夜生活場所嘅集中地，不妨去呢區投入夜夜笙歌嘅熱鬧氣氛。

大阪酒店

1. 國立文樂劇場

推介： 晚間娛樂

呢間國立劇場邀得木偶大師操控 2/3 真人尺寸木偶，演出幕幕精彩，絕對不容錯過！劇場全年經營 7 個月，而文樂木偶戲每期一般上演 3 週。如果你不諳日文，就最好親臨劇院查看節目時間。國立文樂劇場將現代設施融入傳統日式建築之中，遊客可乘坐地鐵到日本橋站，直達此處。

位置： 日本大阪市中央區日本橋 1-12-10

電話： +81 (0)6 6212 2531

探索國立文樂劇場酒店

2. Sam and Dave One

推介： 晚間娛樂

Sam and Dave One 係一間時尚夜店，有鐳射激光同熒光燈照射大型舞池，難怪成為年輕人共聚一堂、歡度節慶嘅好去處！店內的調酒師經常「Show Off」，大方展示華麗的雞尾酒調酒技巧，既為夜店添上一幕奇觀，更可能叫身手不凡的 Tom Cruise 都甘拜下風！這裡亦有定期舉辦音樂活動，表演嘉賓包括人氣 hip hop 樂團以至出神樂隊。Sam and Dave One 洋溢西方夜店風情，歡迎外國遊客親臨；呢間夜店位於東心齋橋，同難波地鐵站僅相隔數步之遙。

位置： 日本大坂中央區東心齋橋 2-7-20 6 樓

電話： +81 (0)6-6243-6848

3. Cinquecento

推介： 晚間娛樂

Cinquecento 係你開始或結束狂歡一夜嘅好地方，俾你輕鬆淺酌雞尾酒。這間典雅別緻的馬天尼酒吧採用鄉村裝飾風格，與店內古典氣氛形成鮮明對比；而此店的飲品價格相宜，大多僅索價 500 円，相當有驚喜！喺心齋橋同難波一帶「夜蒲」之前，不妨先嚟呢度飲杯經典曼哈頓酒或者係冰爽朱古力馬提尼，熱一熱身！

位置： 日本大阪中央區東心齋橋 10-1-2 1 樓

開放時間： 星期一至六 21:00 至深夜

電話： +81 (0)6 6213 6788

4. 大阪 Billboard Live

推介： 晚間娛樂

Billboard Live 精彩之處，絕不止於由國內、外藝人領奏嘅流麗爵士樂—呢間現場爵士樂酒廊燈光柔和嫻靜，有美食同飲品供應，足以伴你度過充實一夜。店內演奏的音樂風格多樣，從爵士樂、藍調、拉丁音樂以至當代民謠都有，難怪幾乎晚晚爆滿，建議預先訂位，以免撲一場空。呢間酒吧鄰近梅田站，方便易達。

位置： 530-0001 日本大阪府大阪市梅田 2 丁目 2-22

開放時間： 星期一至六 17:00 開始營業 (表演時間有所不同)。星期日休息。

電話： +81 (0)6 6342 7722

5. Fandango

推介： 晚間娛樂

如果你喜歡重金屬或龐克等較偏峰嘅現場音樂流派，Fandango 正係你必到之處—這間俱樂部是全市最出色的現場音樂表演場地之一，時常邀得全國以至世界各地的藝人登台演出，每每吸引年輕「忠粉」湧至，隨狂野音樂熱烈搖擺！Fandango 位於大阪市中心以北嘅十三站附近，靠近淀川。

位置： 日本大阪淀川區十三本町 1-17-27

電話： +81 (0)6 6308 1621

此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。