札幌 12 大最佳玩樂活動

「大通」係指「大街」—顧名思義，大通公園長達 12 個街口，闊 105 米，貫穿市中心，絕對是最讓人振奮的活動樞紐！夏季時份，你會看到許多才華洋溢的表演者在街頭娛樂大眾，園內還有數之不盡的小食舖和當地啤酒酒吧，交織出一片活躍街景；到了冬季，冰雪雕塑成為熱門消遣活動，特別在每年二月舉行的札幌雪祭期間更受歡迎。大通公園另有舉辦五月的紫丁香祭、六月的 Yosakoi 索朗祭、夏季的啤酒花園和札幌夏季歡樂節，以及冬季的白色燈樹節。而在札幌夏季歡樂節期間，各間啤酒公司會沿著長長的公園架設啤酒花園，當然少不了出售炒麵等當地美食的攤位，與民同賀節慶。而且，現場樂隊仲會即席表演，單係「安坐此地」，靜靜哋望吓行人往來，就已經不失寫意！

札幌曾經舉辦 1972 年冬季奧運會，而當中好多賽事都喺坐擁滑雪跳台、俯瞰城市美景嘅大倉山上演。時至今日，滑雪跳台仍在使用中，不僅擔當體育賽事場地，還成為了旅遊景點，有時更被直接稱為「大倉山」或「大倉展望台」。跳台的頂部高 300 米，而你可從觀景台欣賞到札幌、石狩平原和石狩灣的全景。相鄰嘅冬季運動博物館就放滿咗有趣嘅奧運會紀念品，仲有比賽同雪橇模擬器。

北海道博物館 (森のちゃれんが) 嘅建立旨在介紹大自然環境、以及日本列島最北部主島北海道嘅歷史發展，一家大細絕對可以喺度玩餐飽，而你亦可以擁有喺札幌「寓教育於娛樂」嘅好機會。

館內主要展覽涵蓋咗北海道由大約 200 萬年前至今嘅歷史，分為 8 個時間順序階段；而講解日本阿伊努族本土原住民和近世 (1869-1886) 往事的館藏可謂最令人印象深刻。館中嘅教學節目包括編織、石臼研磨、以及工具實踐應用等，會為小朋友留低充實回憶。

講到參觀「三文魚博物館」，似乎有啲非同尋常；然而，呢度正係俾小朋友親身體驗大自然嘅理想地方！豐平川鮭魚科學館展出了不同種類的三文魚和相關魚類的展品、模型、文章及短片，遊客更可以到地下觀察室觀察三文魚成魚。一年到頭，此館還會舉辦不同活動，教育小朋友關於魚類的知識—春季期間，小朋友有機會將三文魚苗放入河中；夏日炎炎，細路仔就可以用網捕捉三文魚，觀察一番，然後再放返入水。科學館閒日免費入場。

呢座 147 米高嘅電視塔俯瞰住大通公園東端同札幌市中心，可以飽覽城市同遠山美景，且位於巴士站和幾條地鐵線的交匯點，交通非常方便。電視塔地下設有旅遊資訊中心，提供多語言設施，另有售票亭，讓你購票前往觀景廊；而觀景台高聳於 90 米天際，是拍攝札幌全景照片的不二之處！這座塔建於 1957 年，有一種復古的感覺，而塔側久經使用的電子大鐘更為塔身增添古舊氣色。札幌電視塔曾經係城裡最著名嘅建築，如今就要面臨來自附近摩天大樓嘅激烈競爭喇！要數參觀電視塔嘅最佳時份，就一定係黃昏—屆時，光線喺塔身不停變化，倍顯璀璨。

北海道廳舊本廳舍在當地被稱為「紅磚屋」，以新巴洛克風格興建，於 1888 年落成，當時曾經係日本最大最高嘅建築。磚造建築物在日本很少見，難怪舊本廳舍被視為當地名勝！1968 年一場火災之後，建築重建，內設北海道歷史博物館旗下的北海道檔案館和北海道歷史畫廊，為遊客介紹區內歷史和文化；而你還可以一覽過往事務官和廳長的豪華行政辦公室。

呢個熱氣騰騰嘅天然溫泉係札幌著名自然景點之一，坐落喺壯麗峽谷之中，以當地人稱為「湯之瀑布 (湯の滝)」嘅熱水瀑布而聞名，你可以由札幌市中心乘搭巴士到達。炎炎夏日，溫泉正好幫你逃離城市灼熱；隆冬之際，你就可以喺呢度暖暖身。據說：溫泉的鹹水對風濕疾病患者別具益處。

雖然札幌市鐘樓外觀略顯平實，但係就被視為札幌嘅重要象徵，樓內更設關於農業學院歷史和城市發展的博物館。札幌市鐘樓建於 1878 年，與札幌眾多古蹟景點一樣，最初建成時曾是市內最高建築物，惟現在與鄰近大廈相比，即相形見絀。塔樓採用美式設計，大鐘實際所用的發條裝置也是於 19 世紀末在美國製造。

雖然聽落有啲難以置信，但係朱古力的確係札幌極受歡迎嘅手信！何不參觀白色戀人公園和石屋製菓朱古力工廠，探索、品嚐、大啖零食，度過一個有趣下午？這裡正是白色戀人餅乾 (北海道招牌名物) 的生產地，園內仲綴有英式都鐸屋，令人聯想起中世紀嘅英格蘭；而職業足球隊札幌岡薩多嘅主場亦都喺呢度。

円山公園是札幌西部一片廣闊綠地，北端聳立著北海道神宮，而円山原始森林則位於南端。園內還有跑道、棒球場和網球場，且圓山動物園和圓山子供之國兒童樂園同在公園裡。每逢春季，此園以至公園旁的北海道神宮區均盛放絢麗櫻花，遠近馳名，4 月至 5 月初每每吸引不少商務人士、學生和家庭前來參觀，享受櫻花盛開的最美時節。旺季期間，你可以喺公園 BBQ，園內亦都備有水龍頭同公共廁所。

円山動物園係北海道規模最大嘅動物園之一，住咗大約 1,000 隻哺乳類動物、鳥類同爬行動物，物種多達 200 個！要數動物園最引人入勝的特色之一，當非「熊之家」莫屬，你將可在此見到七種不同的熊；「黑猩猩之家」則設有 15 米高的叢林「健身室」，讓遊客近觀黑猩猩的行為舉止；「猴子山」亦好受歡迎；而「親親動物園」裡面就有山羊同綿羊，可愛到暈！動物園還提供兒童遊樂設施，小朋友定當玩得盡興。