姬路城

姬路城係日本保存得最完好嘅城堡，喺 1930 年代初獲升格為日本國寶，建築群完美體現典型日本城堡嘅建築風格，唔單止彰顯咗精湛建築工藝嘅豐碑，更表達咗人與自然和諧共存嘅國家概念—

姬路城嘅工匠完美將石頭、木頭同水等自然基本元素，精心打造成優雅建築物，形態就好似展翅欲飛嘅白鷺，成功融合住宅同軍事建築物，經歷歳月洗禮仍不減當年風采。姬路城從未真正捲入任何戰爭，300 多年以嚟一直保持現存原好狀況。

呢個城堡建於 1346 年，係抵禦當地幕府將軍嘅堡壘。1577 年，戰國霸主織田信長奪取咗播磨地區，將豐臣秀吉收歸麾下，並將防禦堡壘改建為城堡。1601 年，池田輝政 (1564-1613) 因軍功受封為城主，接管姬路城，並以織田信長嘅安土城作為藍本，花咗 9 年擴建姬路城。