美國
出發前須知
嚟到美國，你會發現呢度每一個角落都富有特色。紐約嘅大都會色彩、邁阿密嘅慵懶氛圍、洛杉磯嘅璀璨浮華、納什維爾嘅鄉村風情、華盛頓特區嘅地標建築、奧斯汀嘅獨特面貌...... 無論你想過一個點樣嘅假期，美國都可以滿足到你。你亦可以揀選幾個心水目的地，組合成一趟公路旅行！
美國係一個文化大熔爐，當地菜式融合咗世界各地嘅元素，通常都非常大份。美國文化喺 20 世紀佔據主導地位，棒球、Simpson、麥當勞、Michael Jackson 等等都係家家戶戶熟悉嘅名字，所以遊客嚟到呢度亦會不期然對呢個國家產生聯繫。
美國飲食推介
紐約 9 大最佳食品市場 (同美食)
紐約嘅用餐文化豐富繽紛，而又瞬間萬變，食品款式量多質優，令當地人同遊客都為之驚艷！身處大都會，無論喺秋日晴天，定係悶熱日子，只要去行吓巿集或者美食廣場，你都可以旋即餐飽個肚，同時唞返陣。眾所周知，紐約嘅美食係全球數一數二，而巿集同美食廣場就係體驗紐約文化佳餚嘅不二之處， 由朝到晚都有大把好嘢食，你又應該點揀好呢？唔使擔心！下面嘅名單會將範圍縮窄到紐約必去最佳市集同廣場，而所有值得一試嘅菜餚都會為你一一列出。