紐約
出發前須知
貴為國際大都市，紐約絕對會為你開拓無盡可能，市內唔少地標都位於中心地帶，遊客可以喺帝國大廈 (Empire State) 嘅頂層睇靚景，又或者去百老匯 (Broadway) 劇院區欣賞精彩表演；而中央公園 (Central Park) 入面嘅蜿蜒小徑可能都已經夠你行足一日！除此以外，你仲可以去埋博物館區，細味畢加索 (Picasso) 同梵高 (Van Gogh) 嘅驚世傑作。
難得嚟到時尚型格嘅曼哈頓下城區 (Lower Manhattan)，點可以錯過格林威治村 (Greenwich Village) 以至蘇豪區 (Soho) 嘅潮流名店同 Café 呢？
紐約飲食推介
紐約 9 大最佳食品市場 (同美食)
紐約嘅用餐文化豐富繽紛，而又瞬間萬變，食品款式量多質優，令當地人同遊客都為之驚艷！身處大都會，無論喺秋日晴天，定係悶熱日子，只要去行吓巿集或者美食廣場，你都可以旋即餐飽個肚，同時唞返陣。眾所周知，紐約嘅美食係全球數一數二，而巿集同美食廣場就係體驗紐約文化佳餚嘅不二之處， 由朝到晚都有大把好嘢食，你又應該點揀好呢？唔使擔心！下面嘅名單會將範圍縮窄到紐約必去最佳市集同廣場，而所有值得一試嘅菜餚都會為你一一列出。
實用資料
紐約旅遊懶人包
我哋嘅紐約旅遊懶人包羅列出你需要嘅基本資料，幫你 Plan 定美國行程，向各大人氣熱點進發！無論你去旅行去得幾密，都要留意以下問題：當地天氣係點？點樣由機場去酒店？需要邊種貨幣同插頭？我哋會為你提供所有答案，同場加映最佳旅遊時機、交通資訊、各類基本資料，同埋實用旅遊貼士， 一切盡在呢份紐約旅遊懶人包之中。睇完呢份簡短易明嘅指南之後，你嘅紐約旅程應該就準備得七七八八架喇！