濱海灣 (Marina Bay) 7 大購物好去處

濱海灣金沙 (Marina Bay Sands) 稱得上係新加坡嘅地標，而濱海灣金沙購物商城 (The Shoppes at Marina Bay Sands) 亦屬於成座綜合建築嘅一部分，裡面有幾百間商舖、世界級餐廳，同埋精緻嘅 Cafe 同酒吧，等你發掘。就算你唔係專登嚟新加坡「血拚」嘅「購物狂」，濱海灣金沙購物中心亦都有值得遊覽嘅地方—無論係壯觀嘅建築、巨型玻璃窗、寬敞嘅開放式中庭同中央水景等等，全部都賞心悅目。

購物或食完嘢之後，不妨到娛樂場、SkyBar 觀景台、屋頂酒吧，又或者任何一間好正嘅餐廳玩一下！

濱海廣場 (Marina Square) 喺新加坡濱海灣 (Marina Bay)，交通好方便，用途多變，既係購物商場，又係食嘢同娛樂嘅好去處。喺呢座有啲歷史嘅購物商場裡面，各種各樣嘅商舖雖然比唔上附近嘅濱海灣金沙購物中心 (Shoppes at Marina Bay Sands) 咁多姿多彩同獨特，但商場裡面嘅貨品價錢就更加平，

而且餐飲選擇實在令人流晒口水，尤其係頂樓嘅美食廣場就最吸引！盡情「血拚」之後，記得去一轉四樓，品嚐下嚟自世界各地嘅平靚正美食，同時透過巨型玻璃窗欣賞海灣壯麗嘅景色。濱海廣場裡面仲有一間戲院，同埋一個有 10 條球道嘅保齡球場，大人細路都可以玩個痛快！

濱海藝術中心 (Esplanade) 巨型綜合大樓嘅建築充滿未來主義風格，一直以嚟佢嘅劇院同現場表演都好出名，而且仲坐擁咗一系列正爆嘅購物選擇！濱海藝術中心購物商場 (Esplanade Mall) 專賣各種藝術品、工藝品同家居用品，呈獻全新購物體驗，同新加坡引以為榮嘅繁華巨型商場互相輝映。

一場嚟到，千奇唔可以錯過 The Naturalist Grandeur 嘅各種精油同香水，同埋 Csar Luxe 嘅法式型格珠寶同家居用品！由距離濱海灣 (Marina Bay) 只有 1 到 2 分鐘路程嘅濱海藝術中心地鐵站出發，可以輕鬆直接咁嚟到場內商舖、劇院同餐廳。

貴為新加坡最大型嘅購物中心之一，新達城 (Suntec City) 坐擁大約 300 間商舖、戲院、健身中心、遊戲機中心，同埋巨型中央噴泉，規模冠絕全世界同類商場！

呢座購物中心裡面有好多間店舖，分佈喺 4 個好寬敞嘅樓層之間，售賣各種時尚精品、生活小品、電子產品、家居用品同化妝品。一到夜晚，「財富之泉」就會亮燈，為訪客送上一場精彩表演—噴泉就喺正呢個巨型零售兼生活樞紐嘅中央，相當易搵！

美年徑購物中心 (Millenia Walk) 規模中等，喺濱海灣 (Marina Bay) 附近，就喺正比較大型嘅新達城 (Suntec City) 同濱海廣場 (Marina Square) 之間；場內有唔少嘅商店同餐廳，而最大賣點當然就係佢嘅位置方便，由海濱步道地鐵站出發，行過去就到。

無論係高級品牌到獨一無二嘅「潮店」等等，好多都進駐咗美年徑購物中心裡面，例如 Rossi 同 Mr Bulli & Sons 就係好例子；而呢度嘅餐飲選擇亦都相當豐富，包括咗世界各地嘅美食。如果想品嚐法國菜，不妨試試 Wine Universe 餐廳嘅美食；你亦可以去「西貢小姐 (Madam Saigon)」餐廳，試下越式美食。

城聯廣場 (CityLink) 係新加坡嘅地下街，連接市政廳地鐵站、濱海廣場 (Marina Square) 同新達城購物中心 (Suntec City Mall)，穿過萊佛士城購物中心 (Raffles City Shopping Centre) 就可以輕鬆到呢度。

呢個空調地下商場佔地 60,000 平方英尺，擁有 50 多間商店，提供舒適而開心嘅購物體驗。你可以喺呢度搵到一系列專賣店，例如 HMV、HMV 音樂商店、Charles & Keith，同埋好多餐飲場所。

以萊佛士城購物中心 (Raffles City Shopping Centre) 作為濱海灣 (Marina Bay) 購物起點，亦係唔錯嘅選擇！呢座購物中心喺正市政廳地鐵站上面，由世界好出名嘅建築師貝聿銘設計，設有 2 間酒店、辦公室、餐飲廣場同會議中心，

租戶包括咗屢獲殊榮嘅百貨公司 Robinsons＆Co、Cortina Watch、Mont Blanc Boutique、Thomas Sabo、Swarovski、Swatch 等等。