新達城 (Suntec City)

新加坡新達城 (Suntec City) 可以話係一座大型購物殿堂，集商場、會展中心同埋辦公室大樓於一身，規模龐大，吸引唔少旗艦店進駐其中，其他設施仲包括戲院同遊戲機中心，而場內舉辦市集嘅次數亦多不勝數，盡情 Shopping 之後，絕對值得探索下商場嘅每個角落！

新達城購物中心開咗超過 600 間舖頭，分佈喺 4 個樓層，雲集各大名牌、百貨公司同好多間餐廳。數到新達城嘅景點，又點可以唔提「財富之泉」？呢處地標喺 1998 年列為「健力士世界記錄」上最大型嘅噴泉，相當架勢！

新達城 (Suntec City)名列新加坡 10 大最佳購物商場和濱海灣 (Marina Bay) 7 大購物好去處 (閱讀有關新加坡的資料)

新達城有好多購物選擇，無論你想買衫褲、首飾、書定係電子產品，都可以喺度搵到一切所需。根據新達城嘅風水設計，成個綜合建築群分為 4 個區域，四通八達。
位於地下嘅 The Galleria 係高檔設計師品牌集散地；Tropics 就齊集價錢實惠嘅產品，包括家居用品同電子產品。
大多數餐廳都喺噴泉平台區 (Fountain Terrace)；而娛樂中心就設喺第四個專區，為客人送上多姿多彩嘅休閒玩樂活動。

健康與美容

AIBI
GNC Live Well
OGAWA
Platinum Yoga
REDS Hairdressing

運動與生活

adidas
ASICS
NIKE
Onitsuka Tiger
Reebok

時尚

Esprit
H＆M
Levi's
Pierre Cardin
T.M.Lewin

玩具和遊戲

Cool de Sac
LA PLAGE
PriviKids
The Playfair
玩具反斗城

珠寶鐘錶

BERING / Daniel Wellington
PANDORA
施華洛世奇 (SWAROVSKI)
Swatch
天梭 (Tissot)

要喺新達城覓食，一啲都唔難—餐廳全部散佈喺噴泉平台區嘅「財富之泉」周邊位置，有齊平時成日見到嘅快餐店、兩個美食廣場同埋一間又一間精緻餐廳，早、午、晚餐款式齊全。

翡翠小厨
鼎泰豐
Dookki
KURO 居酒屋
曼哈頓魚市場餐館

新達城擁有豐富多彩嘅娛樂設施—嚟到商場嘅北區同東區，你會見到「黃金村 (Golden Village)」綜合戲院、健身中心同遊戲機中心。Arcade Planet 同 Cow Play Cow Moo 稱得上係「打機勝地」，無論你係後生仔定大細路，都一定玩得開心！

年紀較細嘅小朋友可以去商場裡面嘅 SuperPark 室內遊樂場玩返夠本—呢個遊樂場位於北棟三樓 (2 座同 3 座之間)，遊戲多多，樂趣無窮，幾個鐘都玩唔哂。新加坡新達城嘅會議中心同展覽廳同樣不可多得，定期會舉辦各種有趣活動，千祈唔好錯過啊！

只要搭地鐵或者巴士，就可以輕鬆嚟到毗鄰中央商務區嘅新達城購物中心。如果你搭地鐵嚟，喺濱海中心地鐵站或者市政廳出發，行 10 分鐘穿過城聯廣場 (CityLink) 就到。市政廳地鐵站同新達城之間仲有免費穿梭巴士，站頭喺正會議中心外。商場地下兩層係停車場，提供超過 3,000 個泊車位，按小時收費。有別於新加坡其他購物中心，好多遊客都鍾意喺周末去新達城行下，趁住附近區域嘅上班族呢兩日放假，周圍都冇咁迫丫嘛！