小印度 6 大購物好去處

嚟到小印度，購物體驗又點會拘泥於「流水作業式」嘅零售流程？新加坡嘅 Shopping 場地普遍都以「未來主義」大型商場為主，充斥住設計師品牌，唯獨小印度為你呈獻非一般購物之旅—小印度可謂新加坡活力之都，不但擁有多元種族、文化同美食，連 Shopping 都可以多姿多彩，區內有 24 小時營業嘅購物中心、熱鬧市集以至街頭攤檔，應有盡有。

實龍崗路位處小印度核心地帶，開設咗唔少珠寶店、傳統印度裁縫店、令一眾女士為之瘋狂嘅時裝店、新鮮農產品店、中式酒舖，仲有歷史悠久嘅咖哩屋。想去小印度「血拚」？最理想嘅時間係朝早或者夜晚，避過晏晝嘅酷熱天氣 (你都唔想下下拎住把遮行街架)。

小印度區酒店

1. 慕斯達發中心 (Mustafa Centre)

推介： 購物

慕斯達發中心係 24 小時營業嘅購物商場，以低廉價格售賣設計師品牌產品，場內格局有如室內市集，狹窄的通道上擺滿各式各樣的貨色。

雖然慕斯達發中心係有少少亂，而且日日都人頭湧湧，但係如果你想買嘅商品喺第二度「遍尋不獲」，嚟到呢度話唔定賣到「成行成市」！ 閱讀更多資訊

位置： 207704 新加坡塞阿威路 145 號

電話： +65 6295 5855

探索Mustafa 中心附近的酒店

2. 森林廣場

推介： 購物

森林廣場位於小印度地鐵站以西 500 米，係新加坡最大型嘅 IT 商場之一，成棟綜合大樓有 6 層高，開咗大約 200 間舖頭，專售電腦、相機、手機、小工具、電視同埋音響設備，

貨色種類繁多，而且價格相當實惠—如果你試下殺價，話唔定仲平啲啊！「大買特買」之後，附近亦有唔錯嘅餐廳同 Cafe，可以歇下腳。

位置： 188504 新加坡梧桐運河路 1 號

開放時間： 每日 09:30 至 20:00

電話： +65 6338 3859

探索森林廣場附近的酒店

3. 竹腳熟食中心 (Tekka Food Centre)

推介： 購物, 美食, 經濟實惠

竹腳熟食中心 (Tekka Food Centre) 入面有一排排小販檔、濕貨街市 (一樓)，同埋多不勝數嘅平價服裝攤，相當出名！如果你想「大手買入」新鮮農產品，又或者搵緊優質嘅布料、手工素材，呢度嘅實惠產品一定啱你心水。

「血拚」之後，不妨去美食廣場區域，品嚐下各式美味佳餚—由咖哩食堂、中式小販攤位、傳統馬來小食店，以至廉價新加坡麵館，統統應有盡有，要食餐飽絕對冇難度。

位置： 210665 新加坡水牛路 665 號

開放時間： 每日 06:30 至 21:00 (營業時間因應商店而異)

4. 城市廣場購物中心 (City Square Mall)

推介： 購物

城市廣場購物中心 (City Square Mall) 注重環保，同廣闊嘅都會公園融為一體，可以直通花拉公園地鐵站，零售同娛樂空間遍佈 9 層樓，店舖數量超過 200 間，專售款式繁多嘅高級服裝、電子產品以及名貴珠寶。就同其他購物中心一樣，城市廣場購物中心裡面仲有戲院、遊戲機中心，同埋各種各樣嘅餐館、Cafe 以及連鎖快餐店，俾你「食玩買」一站式做齊！

位置： 208539 新加坡基奇納路 180 號

開放時間： 每日 10:00 至 22:00

電話： +65 6595 6565

探索城市廣場購物中心附近的酒店

5. 小印度拱廊

推介： 購物

嚟到貫穿小印度核心地帶嘅實龍崗路，你會見到一系列由住宅改建而成嘅店屋，色彩繽紛！呢啲商舖開喺狹窄嘅小巷裡面，售賣傳統印度服裝、乾草藥香料、華麗首飾、多彩藝術品、勁好聞嘅香枝，另外仲有甜品添！如果你想「大手買入」新鮮食品，不妨試下殺價；呢區有時仲會有特價電器出售，記住「一眼關七」咪走寶！

位置： 217959 新加坡實龍崗路 48 號 #02-07

開放時間： 每日 10:00 至 22:00 (營業時間因應商店而異)

查看附近住宿

6. Chandna Mart

推介： 購物

Chandna Mart 係一間位於實龍崗路嘅酒舖/傳統藥房，歷史悠久，距離維拉瑪卡里亞曼興都廟 (Sri Veeramakaliamman Temple) 西北面約 250 米，店內珍藏嚟自世界各地、充滿異國情調嘅葡萄酒同烈酒，其中大部分都好抵買架！舖頭老闆係中國人，非常樂意為你介紹心水靚酒。

位置： 218081 新加坡實龍崗路 230 號

電話： +65 6293 7944

此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。