牛車水最好玩活動
新加坡牛車水最出名嘅係啲嘜嘢？
新加坡牛車水同市內其他地方形成好強烈嘅對比，街上望過去，全部都係矮小建築同文化元素，而傳統美食嘅香氣更喺鮮紅純金色調嘅樓房中間飄晒出嚟！
呢個地區以傳統自豪，擁有唔少引人注目嘅特色景點，包括咗華麗嘅中式寺院、佛寺同印度教寺廟，另外又有好多唔同珍藏嘅博物館，同埋繁華街道兩邊嘅舊式店屋，真係睇都睇唔晒。
1. 佛牙寺
推介： 歷史文化, 拍照, 經濟實惠
佛牙寺係一座出名嘅四層高寺廟。走入大門果時，超高樓底嘅華麗主廳即刻睇到；而鐘樓同鼓樓亦喺同一層。
遊客嘅焦點大多數會落喺四樓高 2 米嘅純金佛塔，而果度正正係保存神聖佛牙嘅地方。繼續走上頂樓，你仲會見到一座大型轉經輪寶塔。佛牙寺建築風格以佛教曼陀羅作為基礎，同唐代佛教元素融為一體。
位置： 058840 新加坡橋南路 288 號
開放時間： 每日 09:00 到 18:30
電話： +65 6220 0220
佛牙寺
2. 馬里安曼興都廟 (Sri Mariamman Temple)
推介： 歷史文化
貴為新加坡最古老嘅神廟，馬里安曼廟 (Sri Mariamman Temple) 係當地印度泰米爾教徒嘅人氣參拜聖地之一，拜嘅係防病女神馬里安曼 (Mariamman)。
呢座寺廟最初喺 1827 年由檳城印度商人 Naraina Pillai 興建，喺 1862 年改建成宜家嘅建築，後嚟亦 經過多次翻修，除咗作為參拜場所外，仲會為嚟自南印度泰米爾印度教社區嘅新移民提供庇護。
位置： 058793 新加坡橋南路 244 號
開放時間： 每日 07:00 到 12:00 同 18:00 到 21:00
電話： +65 6223 4064
馬里安曼興都廟 (Sri Mariamman Temple)
3. 達士嶺組屋 (Pinnacle@Duxton Skybridge)
推介： 拍照
新加坡嘅天際靚景多到數唔晒，但達士嶺組屋 (Pinnacle@Duxton Skybridge) 就有啲唔同。呢度位處世上最高嘅住宅樓頂，只要 SGD5 就可以欣賞到大多數時間都清幽寧靜嘅景觀—正因為每日訪客人數設喺上限 200 人，以免打擾當地居民，先至令呢度好有「隱世秘境」嘅氣氛！
達士嶺組屋傲視四周建築，你仲可以由呢度遠望過去牛車水同聖淘沙島 (Sentosa Island)；如果想走上觀景台，你就要有一張易通卡 (EZ Link)；呢張卡亦可以用嚟搭公共交通工具，遊覽全市。
位置： 085301 新加坡廣東明路 1G 號
開放時間： 每日 08:00 到 17:00 (星期六直到 13:00)
電話： +65 8683 7760
達士嶺組屋 (Pinnacle@Duxton Skybridge)
4. 新加坡國立大學峇峇住宅 (NUS Baba House)
推介： 歷史文化
新加坡國立大學峇峇住宅 (NUS Baba House) 建喺 1890 年代，曾經係黃氏家族 (航運大亨黃敏後裔) 嘅祖居，歷史悠久，可以畀遊客探索土生土長嘅華人 (新加坡海峽出生嘅中國人同馬來人/印尼人) 由 20 世紀初到今日嘅文化點滴。呢座建築係少數保留得好好嘅聯排別墅之一，最底果兩層更擺放咗瓷器、傢俱同藝術品等等由土生土長嘅華人擁有嘅古董；三樓宜家已經改建成為展覽同項目主題畫廊，畀到遊客唔同角度咁探索鄰里社區。
新加坡國立大學峇峇住宅嘅 1 個鐘導賞參觀活動只可以預約參加，建議遊客喺官方網站提早報名參加：babahouse.nus.edu.sg。
只限預約。
Heritage Tours in English: 星期二到五 10:00。
文華遺產之旅：10:00 (每個月第一個星期一)。
自助遊：星期六 13:30、14:15、15:15 同 16:00。
星期日同公眾假期休息
位置： 088883 新加坡尼路 157 號
電話： +65 6227 5731
新加坡國立大學峇峇住宅 (NUS Baba House)
5. 新加坡城市規劃展覽館 (Singapore City Gallery)
推介： 家庭, 歷史文化
俗語有云：「羅馬唔係一日建成嘅」；新加坡亦唔例外。如果你想探索呢個小島國點樣將 580 萬人嘅工作、生活同娛樂串連喺一齊，不妨由新加坡城市規劃展覽館 (Singapore City Gallery) 開始去了解！
新加坡城市規劃展覽館喺 1999 年開館，喺正舊城區附近，地理位置好正，目的喺要向遊客介紹新加坡現代化嘅生活方式，同埋城市規劃當局點樣制定可持續發展大計。館內珍藏咗超過 50 件互動展品，分別放置喺 3 個樓層，可以畀你睇晒新加坡嘅過去、現在同未來—而且，你仲可為新加坡嘅發展道路同未來走向「作主」，體驗超級特別！環顧呢個館，最令人印象深刻嘅展品一定係中心區域嘅模型，佢嘅比例係 1:400，用 3D 立體形式展示新加坡市中心嘅縮影。
位置： 069118 新加坡麥士威路 45 號市區重建局中心
開放時間： 星期一到六 09:00 到 17:00 (逢星期日休息)
新加坡城市規劃展覽館 (Singapore City Gallery)
6. 紅點設計博物館 (Red Dot Design Museum)
推介： 家庭, 歷史文化
紅點設計博物館 (Red Dot Design Museum) 將會令你對日常物品從此另眼相看！呢間博物館講述創新產品點樣為我哋簡化生活，揭開咗佢地嘅神秘面紗，又引領訪客探索新奇得意嘅小玩意。你喺館裡面，「話咁快」就可以打發一個鐘光陰啦。
紅點設計博物館規模相當細，但展出咗又多範疇又廣嘅設計產品，由廣告海報、包裝、電腦到家用電器等等，應有盡有。
位置： 018940 新加坡濱海林蔭道 11 號
開放時間： 星期一到四 10:00 到 20:00；星期五到日 10:00 到 23:00
電話： +65 6514 0111
紅點設計博物館 (Red Dot Design Museum)
7. 牛車水市集
推介： 家庭, 購物, 美食, 經濟實惠
呢啲繁忙嘅街道佈滿咗符合遊客期望嘅景點，幾百個攤位售賣各類貨品、由絲綢長袍到招財貓等，應有盡有。標有「中國製造」嘅商品多到數唔晒，當你抬頭一望，即刻見到燈籠喺微風中搖曳，好有一番風情。除咗購物之外，區內到處都係各式各樣嘅街頭美食車，有新鮮點心同脆皮烤鴨等你品嚐。
如果想用最優惠價錢買晒所有嘢，記住要面帶笑容，殺價一番！牛車水市場日頭會營業，黃昏果時亮起燈，就更加璀璨，而小販嘅叫賣聲肯定會引誘你行過去，睇下商品嘅真面目。
位置： 新加坡史密斯街 335 號
開放時間： 每日 11:00 到 23:00
牛車水市集
8. 天福宮
推介： 歷史文化
天福宮係新加坡最古老、但最得意嘅中式寺廟，喺 1820 年左右建成，有佛、道兩派一齊共存，專門供奉保祐海員嘅媽祖天后娘娘。呢座寺廟色彩繽紛，喺正牛車水中心嘅直落亞逸街，
原址為新加坡填海前嘅海濱，經常吸引啲水手同早期定居嘅人 士嚟呢度，答謝神明保佑航海安全。呢座寺點綴咗精心繪製嘅大門，仲有裝飾精美嘅橫樑同金箔匾額，睇落就覺得賞心悅目！
位置： 068613 新加坡直落亞逸街 158 號
開放時間： 每日 07:30 到 17:30
電話： +65 6423 4616
天福宮
9. 洪林公園 (演講角)
推介： 家庭, 拍照
洪林公園係牛車水中央嘅一個小公園，因為係新加坡人唯一可以公開表達個人思想嘅場地而出晒名。要喺呢度演講，你一定要先遵守所有規矩，當中包括：你係新加坡人；你唔會講論宗教議題；你發言之前會先通知警方。
事實上，公園裡面經常有示威活 動，但星期一到五次數就唔多，所以仍然係放鬆身心同透涼嘅好去處。週末果時嚟呢度，你就可以睇到滔滔不絕嘅辯論。
位置： 059299 新加坡新橋路
洪林公園 (演講角)
10. 阿爾阿布拉回教堂 (Al-Abrar Mosque)
推介： 歷史文化
呢座清真寺喺1827 年建成，原本規模唔大，好多人叫佢做「小屋清真寺 (hut mosque)」，而呢度亦成為咗清真寺嘅別名。宜家睇到嘅清真寺喺 1850 年代落成，曾經喺 1980 年代進行大型翻新。
位 置： 068635 新加坡直落亞逸街 192 號
電話： +65 6220 6306
阿爾阿布拉回教堂 (Al-Abrar Mosque)
11. 牛車水原貌館 (Chinatown Heritage Centre)
推介： 歷史文化
新加坡設有好多別開生面嘅博物館；如果你想進一步了解以前牛車水嘅豐富歷史，同埋新加坡移民嘅生活狀況，就不妨嚟牛車水原貌館 (Chinatown Heritage Centre) 參觀。呢個館入場費成人 SGD15，小童 (7-12 歲) SGD11。
位置： 059207 新加坡寶塔街 48 號
開放時間： 每日 09:00 到 20:00
電話： +65 6221 9556
牛車水原貌館 (Chinatown Heritage Centre)
12. 中國衛理公會教堂
推介： 歷史文化
牛車水雲集咗好多文化建築，當中包括咗新加坡第一座衛理公會教堂。你可以喺直落亞逸街搵到呢座教堂嘅蹤影，同埋欣賞堂內嘅藝術風格裝飾同中式屋頂等建築特色。
中國衛理公會教堂嘅星期日禮拜活動喺 09:00、11:00 同 13:30 進行，分別以英語、福建話同印尼話講道。
位置： 068656 新加坡直落亞逸街 235 號
電話： +65 6324 4001
中國衛理公會教堂
13. 余仁生中醫堂
推介： 歷史文化
顧名思義，余仁生中醫堂係新加坡大多數華人買傳統藥材嘅地方，呢間店由華人富商余東旋喺 1910 年興建，由果時起就成為區內嘅重要中樞，另外亦有售賣中國茶同草藥等其他產品。
位置： 058822 新加坡橋南路 273 號
開放時間： 星期一、二、四 08:30 到 18:00。星期三同五 08:30 到 20:00；星期六 08:30 到 19:30 (星期日休息)
電話： +65 6223 5085
余仁生中醫堂
推介： 遊歷
G-Max 反轉笨豬跳係新加坡嘅自家笨豬跳設施，刺激快感一定會令你腎上腺素急升！呢度嘅地標喺正克拉碼頭 (Clarke Quay) 嘅著名「夜蒲」勝地，熱心職員會帶你坐進地面的彈跳艙，然後按下按鈕，將你彈到 60 米的高空中！ 閱讀更多資訊
位置： 179024 新加坡克拉碼頭里峇峇利路 3 號
開放時間： 每日 17:00 至深夜
電話： +65 6338 1766
新加坡 G-Max 反轉笨豬跳
15. 詹美回教堂 (Jamae Mosque)
推介： 歷史文化
詹美回教堂 (Jamae Mosque) 係新加坡牛車水區內好多敬拜場所之一，喺 1830 年代由印度科羅曼德海岸嘅穆斯林商家兼放債人機構 Chulia Indians 興建，被視為國內歷史最悠久嘅回教寺廟之一。
位置： 058767 新加坡橋南路 218 號
電話： +65 6221 4165
詹美回教堂 (Jamae Mosque)
麥士威熟食中心 (Maxwell Food Centre)
17. 納哥德卡殿 (Nagore Durgha Shrine)
推介： 歷史文化
納哥德卡殿 (Nagore Durgha Shrine) 喺新加坡牛車水嘅直落亞逸街，係當地嘅主要印度教聖地兼地標，呢度有獨特嘅古典模壓拱門同石柱，配埋印度穆斯林圖案，絢麗奪目。
呢間寺廟由嚟自印度南部嘅穆斯林移民興建，歷史可以追溯到 1828 年，慢慢成為新加坡嘅焦點古蹟之一。只要行到直落亞逸街同文達街交界，就能輕鬆搵到納哥德卡殿嘅蹤影。
位置： 068604 新加坡直落亞逸街 140 號
電話： +65 6256 8188
納哥德卡殿 (Nagore Durgha Shrine)
此文章含有 Go Guides 編輯團隊的個人意見。Hotels.com 會向於本網站上撰文的作者付費，其中或包括旅遊及其他費用。